بلوچ بیاپاری جُھدکار : من جزم زاناں کہ منی مات پہ منی رَسَگ ءُ سربیگ ءَ مزن تریں کس اِنت ءُ اے پڑ ءَ م

آمنہ حسین زھی ، دستی اِزم ءُ ھنرانی بلوچیں جھدکار ءُ کار پیم کنوک پہ بلوچ زالبولاں ماں کنارک ءِ شھرستان ءُ دمگ ءَ ، میارجل رسانکدر ءِ کارگس ءُ دپتر ءَ آتک ءُ چہ وتی ھال ءُ اھوالان ءُ راھے ءَ کہ پہ وتی انیگیں جاگہ ءِ سربیگ ءَ شُتگ ءُ رپتگ ، گوشت ۓ .
پہ میارجل رسانکدر ءِ ھالرسانی ھال ءِ سر ءَ ، بلکیں اے گپّ ءِ منّگ ءُ باور کنگ سکّ گران ءُ مشکل بہ بیت کہ یک بلوچ بانکے کہ ماں بلوچستان ءَ یک جھدکاریں بیاپار ءُ کار اڈکنوک ایں مردمے ءِ کچّ ءُ کساس ءَ زانگ بیت اے راہ ءِ تہ ءَ ، ایوک ءَ آئی ءِ مات بوتگ کہ آئی ءَ کمک کتگ ءُ سکین داتگ . ھمے پیم ، بانک حسین زھی ، دستی صنایع ءُ ازم ءُ ھنرانی بلوچیں جھدکار ؟ اے پڑ ءِ تہ ءَ چمّ ءُ دیدی مثال ءُ درورے انت .
البت اے بانک پہ وتی مروچیگیں جاگہ ءِ سر بیگ ءَ کہ انّی بازیں زالبولانے ءَ کار ءِ گُلائیش کرتگ ءُ ھمے ڈول ءَ ماں اجتماعی ءُ بانکانی ورزش ءِ پڑ ءَ جھد کنگ انت ، آئی ءَ اینچوک ایں راھے ءَ شتگ ءُ رپتگ کہ پہ بلوچ راج ءِ دراھیں بانکاں یک بلاھیں  چیدگ ءُ نشانے بوت کنت .
دیمتر ءَ شما را پہ یک گپّ ءُ ترانی تامرے ءِ گندگ ءَ لوٹ ءُ داوت دئیں کہ آ ، گوں میارجل ءَ کتگ .