بے آپی ءُ برگ ءُ لین ءِ ھاٹیگ ءِ نزوری ءُ بریس ءِ مردمانی یک شلیں جنجٹ

چہ میارجل ءِ بنجاھی ھالرسانی ھالانی رد ءَ ; واجہ عمران تارم ، اے شھر ءِ اسلامی شورجاہ ءِ باسک ماں گپ ءُ ترانے گوں میارجل ءِ ھالکار ءَ گوشت ; ھر سال ءَ گرماگانی وھد ءَ ، گوں موسم ءِ گرمی ءَ گیش بیگ ءَ بریس بندن ءِ بندن ءِ نندوکاں ، برگانی ھاٹیگ ءِ نزوری ءَ گوں دیم پہ دیم بنت . اے جنجٹ ءِ نیمون ھم شھر ءِ برگانی چیرساچ ءِ نادیمروی ءُ "ترانس" کمی انت . 

اے واجہ ءَ گوشت کہ آپ ءُ برگ دو اسلی نیامت پہ مردمانی زندمان انت بلے بژن انت کہ بریس ءِ مردم چہ اے دوئیں نیامت زبھر انت . بریس ءِ تیاب دپیں شھر ءِ برگاں ، گرماگ ءءِ وھد ءَ ھاٹیگ ءِ نزوری ءِ آماچ بیت ، اے ھشت سال انت کہ شھر ءِ برگانی چیرساچ ءَ ھچ وڑیں دیمروی نہ کتگ .

دشتیاری دمگ ءِ اسلامی شورجاہ ءِ (ءُ بریس ءِ) اے باسک ءَ درّا ئینت ; ما اے منّ ءِ سر ءَ ایں کہ برگ ءِ "ترانسانی" گیش کنگ ءَ گوں ، بوت کنت کہ شھر ءِ برگانی ھاٹیگ پر زور تر ءُ اے جیڑ کمتر بہ بیت .

واجہ عمران تارم ءَ گیش کت کہ بریس ءِ بندن ، گوں ماھیگری ءَ پر نام ءُ توار انت بلے بژنی گپ اش انت کہ اے نگیگی نوں ملک ءِ ماھیگر ءُ میدان ءَ ھم چہ برگانی بھر ءُ بانگی ءِ وڑ ءُ ھاٹیگ ءِ نزوری ان ماسیت کنگ ءُ ناراز انت ءُ چہ اے ھاتر ءَ آھانی یگدار ءُ بوجیگانی برگی ساماناں ءَ سُتکگ ءُ تاوان بار کتگ انت .

بریس ءِ بوھیریں مردماں ، گھتریں ھزمت ءُ آسراتی ءِ ھگدار انت ءُ آھانی مشکل ءُ نگیگی ان ءَ توجیل کنگ ءِ زلورت انت . بریس ءِ مید ءُ ماھیگراں کہ پہ ملک ءِ "پروتئین" ءِ شوھازگ ءَ لُنجمیں زر ءِ چولان ءُ ۴۰ نمبریں گرماگ ءَ گوں جیڑہ انت ، وھدے کہ وتی لوگان ءَ واتر بنت آھان ءَ لوگ ءِ ھر وڑیں اسراتی درکار انت بلے چہ برگانی ھاٹیگ ءِ نزوری اں ، لوگ ءِ سارت کنوکیں سامان چہ۴۰ نمبر ءِ گرمی ءُ برگانی نزوری ءِ ھاتر ءَ بند انت ءُ چالو بوت نہ کن انت . 

گوں اے گپ ءِ دلگوش گور دیگ ءَ کہ بریس چنتے وھد انت چہ کلگ ءَ ، شھر ءِ بستار ءَ بدل بوتگ ، چہ جھمنندانی گیش بُوَگ ءَ اے شھر ءِ برگاں ، زوراک کنگ ءُ چیرساچ ءِ دیمروی ءِ مھتاج انت .

رجانک : میرجـلال .

ھالکـار : منصور کریمدادی.