آپ ءُ بے آپی هر دو ماں دشتیاری ءَ نپس گیر انت /چُکّلُک په گوازی ءَ اوٹگ ءِ گور ءَ شتگ ات انت بلے واتری

چه میارجل ءِ هالرسانی بنجاه ءِ هالانی رد ءَ : اوٹگ مدام ماں دشتیاری ءَ پیش آتکانی سوب بنت که اِے باره ءَ میارجل ءِ هالکار ءَ گوں پلان ءِ بکشدار ءَ گپ ءُ ترانے کتگ.
پلان ءِ بکشدار اِے بارو ءَ درانگازگ انت : سهب ءِ ادار ده ءَ ماتے گوں وتی چکاں اوٹگ ءِ کر ءُ گور  ءَ په دست ءُ دیم ءِ شودگ ءَ رو انت که ماں آپ ءَ شِتل انت ءُ کپ انت  ءُ آیانی بڈگ ءِ سوب بیت که پدائی ئیں وانینوک بانک یاسمین هوت آیانی رکینگ ءَ آپ ءَ مان دنت  چکانی مات ءَ رکین ایت بلے وت گوں دوئیں جنلکاں بڈ ایت .
دیم تر ءَ گشگ انت که اِے دمگ پلان ءِ پنچ کیلومتری ءَ انت ءُ 100 لوگمان ءُ 340 کس وشیں آپ ئِے ھم ھست ءُ همے پیم ءَ تران کنان انت که گیشتریں اوٹگ دام کنگ بوتگ انت ءُ دهیار هم اِے بارو ءَ کڈن کتگ انت که اوٹگانی دام آیانی اگده داری ءَ داتگ .