ادریس رئیسی بلوچیں ازمکار بیزان بوت
چہ میارجل ءِ بنجاھی ھالرسانی ءِ ھالانی رد ءَ ;
بلوچ ازمکار ادریس رئیسی "خرداد" ماہ ءِ ھپتمی روچ ءَ اے دگنیا ء یلو کت ءُ بیران بوت . ھدامرزی یونس کہ چہ دُرونہ ءِ درمان کنگ ءَ رند ، گُٹگ ءِ نادوری ءَ سردچار بوتگ ات باز رند ءَ "دیالیز" ءُ ھون ءِ ساپ کنگ ءِ ھاتر ءَ یکّو ءَ نادراہ جاہ ءِ میار ات .
ھالانی رد ءَ اے واجہ زیگیں روچ ءَ پہ ھون ءِ "دیالز" ءُ ساپ کنگ ءِ ھاتر ءَ نادراہ جاہ ءَ شتگ بلے اے کار ءَ رند ، آئی ءِ جاوزھال نگیگ ءُ آھر سر ءَ ھم ھما جاہ ءَ بیران بوتگ .
ھدامرزی یونس چھبار ءِ دمگ ءِ تیس ءِ نندوک بوتگ ، آئی ءَ وتی زندمان ءِ دراجی ءَ ازم ءُ ھنرانی بازیں ھوب ءُ واھگے بوتگ ءُ شمبل ءُ شاھی ءِ نامداریں تامر ءَ ازمکاری کتگ .
ادریس رئیسی وتی روائی دگنیا ءَ مدام گوں توازہ ای گونڈیں تامرانی ساچارگ ءَ راج ءِ دلوشی ءُ کندگ ءُ بچکندگانی پڑ ءَ بازیں چھدے برجم داشتگ .
بازین مردمے ءِ گشتانکانی رد ءَ ھدامرزی یونس ، دلرھمیں ازمکارے بوتگ ءُ وتی مھر ءَ چہ کس ءَ پشت نہ داشتگ . اے بلوچ ازمکار وتی اینسٹا ءِ پیج ءِ توک ءَ لس مھلوک ءَ پہ مھر ءُ دل پھکی ءَ پیش چہ مرک ءِ آماچی ءَ سوگہ داتگ ءُ گوشتگ ; رند چہ مرک ءَ ، مھر ءُ دوستی پہ مرتگیں مردم ءِ کارے کت نہ کنت . ھدامرزی ءِ گپّاں اے گونڈیں تامر ءِ تہ ءَ چارگ ءُ گوش دارگ کرز ایت .
ادریس انی ءَ مئے نیام ءُ شمگ ءَ نہ انت بلے آئی یات گوں ما را مدام ھمراہ انت .
پونس ءِ ارواہ گلباگ ءَ بات /رجانک : میرجلال .
کارمرز کنوکانی هیال