اے چھبار ءِ دگانی جاورھال انت یا کہ کلبیریں راہ ؟ شھرداری کُج انت / اکسانی رد

چہ میارجل ءِ بنجاھی ھالرسانی ءِ ھالانی رد ءَ ; مردمانی لوٹ ءِ ھاتر ءَ ما چھبار ءِ دگ ءُ راھانی اکس کشی ءَ شت ایں کہ چہ کلّ ءُ کلبیر ءَ گھتر نہ انت ! مردم جُست کنگ ات انت شھرداری کج انت کہ دگانی سیہ دون چوش انت ءُ کوچگاں کلّ ءُ کاندر انت ؟ البت اے کہ ما گندگ ءَ ایں شھر ءِ جھگیری بھرانی ھال ءُ روچ انت اگاں ناں اد ءِ کش ءُ گوری ھلک ءُ ھاریگاں چوشکہ میراباد ءُ مراداباد ءِ دگ ءُ کوچگان ءَ ھچ وڑیں سیہ دونے نہ گواہ ایت .

رسانکدرانی درشانیں نبشتانکانی رد ءِ ، جاندراھی ءِ کارزانت ءُ سوھو اں ، مردمانی سرین درد ءِ بارو ءَ گوشتگ کہ سرین ءِ بوگانی ٹگل ورگ ءِ یک نیمونے ، راہ ءُ دگانی ھرابی ءُ کلّ درپی انت ءُ چوشیں راھانی سر ءَ ڈلیوری کنگ ، مردمان ءَ سرین درد ءِ گُزندے سر کپ ایت . اے رد ءَ شھر ءِ دگانی شریں سیہ دون کنگ شھرداری ءِ ڈوبہ انت ، البت اگاں آھانی جزم ءِ یک رگے بہ سُر ایت .

گوشگی انت کہ شھرداری ءِ اگدہ داراں چہ پیسر دان انّی ءَ ، یک ناھکیں نیمونے ءِ سر ءَ سوار انت ءُ گوش انت کہ سیہ دون چہ اے ھاتر ءَ ھراب انت کہ مردماں وتی لوگانی سراتکیں آپاں کوچگ ءُ دگانی تہ ءَ شیوگ ءُ یلو کن انت چمشکا کوچگانی سیہ دون پوس انت ءُ لڑ انت ، اے نگیکی ءِ بارو ءَ چہ دہ سال پیسر ءَ گوشتگ اش کہ ایران ءِ چوشیں موسم پُھینیں شھرانی سیہ دوں یک ھاسیں ازمے ءِ گوں کارمرز کنگ بہ بیت دانکہ سیہ دن چہ نمیگ ‍ ءُ آپ ءِ رچگ ءَ ھراب مہ بنت بلے اے گپ ھم دنینگت ءَ راست نہ بوتگ ءُ سیہ دون ءِ چوشیں ازمے نہ گواہ ایت . ما را امیت انتڈکہ ملک ‍ءِ اگدہ داراں وھدے کہ گپّے کن انت ءُ لبزے دے انت وتی لبزانی سر ءَ بہ اوشت انت / رجانک : میرجلال .

خبرنگار: حنیفه دهقانی