ھژدری ئیں دلگوش کرزی ءُ ماتی زبان ءِ وانینگ ماں وانینگی ساچار ءُ بُنپد ءَ /ماتی زبان ءِ درونتانی کار

چہ میارجل ءِ ھالرسانی بنجاہ ءِ ھالانی رِد ءِ :سارا وشکو بلوچانی دود ءُ ربیدگی جھدکار ءُ ھمے وڑ ءَ گَلّ گِسانی کارمستر اِنت کہ پہ بلوچی زبان ءِ وانینگ ءُ سرجمی ءَ ماتی زبان ءِ وانینگ پہ چکاں کڈن کنگ ءُ گْوشگ ءَ اِنت : بلوچانی چک کہ  ماتی زبان اِش بلوچی اِنت ، وھدے کہ وانگجاہ ءَ رو اَنت لاچار اَنت گوں زبانے ءَ بہ وان اَنت ءُ بہ نبیس اَنت کہ بلکیں ھچ بلد نہ اِنت گوں آئی ءَ گپ بہ جن اَنت ، اِے وڑیں وانینگی رھبند سوب بیت کہ دو زبانی چکانی  بودناکی ءُ ھاٹیگ مندی آ وڑ ءَ کہ لوٹ اِنت گواڑگ جت نہ کن اَنت ۔

آئی ءَ اِے گپ پریچان کت : ایشی کہ زمہ دار اساسی کانود ءِ اسل  پانزدھم ءِ پدریں رھبند ءَ کہ پہ راجانی لبزانک ءِ وانینگ پہ کسانیں چکاں کڈن کتگ ئِے ، دیم ءَ بیار اَنت ءُ پہ بلوچستان ءِ چکانی واست ءَ یک راہ ءُ درے بہ گیشین اَنت کہ راستیں ءُ تچکیں دو زبانیں چکانی واھند بہ بئیں ، چوناھیگا ساٹگی کارزانت ءُ دو زبانی وانینگ ءِ کارپجار ءُ زبان زانتاں اِے لیکہ ھست اِنت کہ دو زبان کسے گْوشگ بیت کہ دومی زبان ءَ گوں ماتی زبان ءِ ھوریگ ءَ یا کم چہ کم چہ دو یا سے سالگی ءَ در بہ بارت ، مارا ھچ وڑ ءَ دو زبانیں چک ماں اِیران ءَ نیست اِنت.

حنیفه دهقانی