۳ ھزار تن مپتیں گیل پہ زرباری دمگانی راھانی سیہ دون ءَ تیار انت
"مھندس" حمزہ امیریان پہ اے بارو ءَ گوشت ; اے کچّ ءُ کساس ءِ گیل چہ " ستاد باز آفرینی شھری" بنجاہ ءِ زرّی مال بندی ءِ نیمگ ءَ 1400 ءُ 1401 ءِ سالانی ونڈ ءُ بھر ءَ ، پھرہ ، بُنپور ، چھبار ءُ کنارک دمگانی شھرداری انی ھاتر ءَ گیش ءُ گیوار بوتگ .
زراری دمگانی راہ ءُ شھر سازی کارگس ( پھرہ ) ءِ کارمستر ءَ گوشت ; ۳ ھزار تُن مُپتیں گیل پہ ھلاکہ ءِ زرباری دمگانی شھرداری اں گیش ءُ گیوار بوتگ . حمزہ امیریان اے رد ءَ گیش کُت کہ اے کچّ ءِ گیل چہ "ستاد باز آفرینی شھری" بنجاہ ءِ زرّی مال بندی ءِ نیمگ ءَ 1400ءُ 1401 ءِ سالانی ونڈ ءُ بھر ءَ ، پھرہ ، بُنپور ، چھبار ءُ کنارک ءِ دمگانی شھرداری انی ھاتر ءَ گیش ءُ گیوار بوتگ کہ کانودی چٹّی ءُ نمدی ءِ ھساب ءَ بھر ءُ بانگ بنت .
امیریان ءَ درّائینت ; "ستاد باز آفرینی شھری" ءِ زر ءُ مال بندی ءِ گیشینگ ءِ مول ءُ مراد شھران ءِ ھلک ءُ میتگی جھمنندیں مردمانی دیمروی ءِ ھاتر ءَ انت .
ھلاکہ ءِ زرباری دمگانی راہ ءُ شھرسازی کارگس ءِ کارمستر وتی گپ ءِ رندگیری ءَ گوشت ; شھرانی شھرداری اں وتی گیل ءِ بھر ءَ چہ "ستاد باز آفرینی" ءَ بنجاہ ءَ لوٹا این انت .
کارمرز کنوکانی هیال