روچ دراتکی بلوچستان ءِ چاگردی ءُ روبیدگی جھدکارے چہ ھُدامرزی ھمیداللہ سردارزھی ءِ کارست ءُ گْش ایت

چہ میارجل بنجاھی ھالرسانی ءِ ھالانی رد ءَ ; بانک عندلیب گچکی ، چاگردی جھدکار ءُ ندکارے چہ روچ دراتکی بلوچستان ، تمپ ءِ دمگاں ، ماں گپ ءُ ترانے گوں میارجل ءِ ھالکار ءَ گُوَشت : نمیرانیں ھمیداللہ سردارزھی  ھند ءُ دمگ ءُ بلکین ءَ ڈنی ملکانی تہ ءَ ھم یک بوھیری ریَس ءُ بستارے ءِ واھوند ات ، آئی ءِ نزّیکی ءُ رھوت گوں راجمان ءِ درھیں گَلّ ءُ گروپاں سَوَب بوتگ ات کہ ماں بلوچستان ءِ درھیں دمگاں ،  سرجمیں راج ءِ دلانی تہ ءَ آزیزیں کَسے بہ بیت .
اے بانک ماں چھبار ءِ مراگش ءَ پہ نمیرانیں ھمیداللہ سردارزھی ءِ  بارو ءَ گُوَشت کہ آئی ءِ جھد ءُ ساہ ءُ مِھنَتاں پہ بلوچ راج ءَ ھجبر شموسگ نہ بنت . واجہ پہ سُھل ءُ تران ءِ ھاتر ءَ ماں بلوچستان ءَ نامدار ات ءُ اے پڑ ءَ مَزَنیں بستارے ءِ واھوند ات / رجانک : میرجلال