روایتے چہ پلان ءِ شھر ءِ شورا ءِ اولی بانک ءَ / پرچا زیور جدگال کِرّ ءَ شُت + تامُر

چہ میارجل ءِ ھالرسانی بُنجاہ ءِ ھال ءَ : زیور جدگال بلوچ بلوچانی اولی بانک اِنت ماں اِے شھر ءِ شورای ءَ پجارگ بیگ اِنت ھرچنت کہ شورایے کہ آئی ءَ گون اَت پہ اولی بر ءَ جوڑ بیت بلے باید بہ گوش اِیں آ پیش چہ اِیشی ءَ ھم دَمَگ ءِ شورا ءِ باسک اَت بزانکہ ھما وھد ءَ پلان ءِ شھر دمگ اَت ءُ آئی ءِ دگہ باسک پیش چہ زیور ءَ درستیں مردین بوتگ اَنت ۔

آئی ءَ ھاسیں مَنانک کہ نہ لوٹ اِیت پاشک بہ بنت ھست اَنت کہ چہ وتی زمہ واری ماں پیشگیں سال ءَ پُشت ءَ شُت ءُ گوں وتی اِے کار ءَ پہ اولی بر ءَ ماں ایران ءِ توک ءَ شھر ءِ شورای ءِ پِیچگ درپ ئِے کُنائینت چیزے کہ پیش تر مردین اِیشی ءِ کنگ ءَ ناتوان اِت اَنت بلکیں آئی ءِ دِگِری سوب بیت کہ اِے پیش آمد پیش بہ کپ اِیت پرچا کہ آئی ءَ نہ لوٹ اِت چو بازینانی وڑ ءَ جاگاہ ءِ ھاتر ءَ پہ چارپاد ءَ بہ لِچّ اِیت آئی ءِ مول مردم اِت اَنت ءُ آیانی ھاتر ءَ ھم پُشت ءَ شُت ۔