میارجل ءِ روایت چہ جھدکاریں بانکے ءَ کہ پہ کتابانی وانینگ ءُ شنگ کنگ ءُ دود ءُ ربیدگی کاراں دزگلائش

چہ میارجل ءِ ھالرسانی بنجاہ ءِ نیمگ ءَ : چھبار ءِ شھر ءَ پلان ءِ بکش ءَ کہ پد منتگ تریں بکشے ماں استان سیستان ءُ بلوچستان ءَ کہ بانک میھن واہ ءَ مَنّارینت کہ گوں وتی مردینانی ھمکوپگی  ءَ جھد کت کن اِین ءُ پدمنتگیاں دیم ءَ بر اِیں اِے تلکار بستگیں زمینانی سر ءَ گوں جھد بہ شَنز اِیں دانکہ گواڑگ بہ جَن اَنت.

آئی ءِ گْوشگ اِنت اگاں مئے مچانک ءُ چاگرد ءَ بانک کم تر گندگ بیگ اَنت کہ آیانی لوگمان ءُ کھول کم تر بروسہ اش کنگ انت ، بانکانی سیت مندیں ھمراھداری ماں چاگرد ءَ اِنت ءُ اگاں ناں ما جھدکاریں بانک دیستگ اَنت کہ انی ماں دری ملکاں ایران ءِ جھگیر اَنت کہ پہ درور بانک ھمیرا ریگی ءِ نام ءَ پِیش کت کن اِیں ، ءُ دگہ دگہ ۔۔۔ وھدے کہ بانک ریگی بکشدار بوتگ من وتی جھدانی رھشون ءُ چِیدَگ لِیک اِتگ ءُ اگاں ما بیا اِیں جھد بہ کن اِیں بازیں چہ بانکاں مارا وتی چِیدگ لِیک انت ءُ توان اِیں پہ وش وتی پہ چاگرد ءَ جُھد بہ کن اِیں ۔

آئی ءَ دیم تر ءَ گْوشت من چہ وتی لوگمان ءُ لوگ واجہ ءَ منہ واری پِیش کناں کہ من ءَ بروسہ اِش کتگ ءُ چہ بلوچ راج ءِ سرجمیں جنکاں لوٹاں کہ  وت ءَ باور بہ کن اَنت وھدے کہ وت باوری ءَ رس اِت اَنت بہ زان اِت کہ سدی سد سوبین بئت ءُ چاگرد ءَ شمئے لوٹ ھست اِنت.