کشتکاری ءِ باپاری یک دروازگے پہ بلوچستان ءِ رو اِیرُشت ءِ دیمروی ءِ واست ءَ / کرپاس ءِ کشگ گڈ چہ 50 سا

چہ میارجل ءِ ھالرسانی بنجاہ ءِ ھال ءَ :مھمد اکرم ھودیانی ءَ کہ بمپور ءِ شھرستان ءِ کشتکاری جھاد ءِ کارمستر اِنت کہ چہ کرپاس ءِ کِشت ءُ کشار ءِ بارو ءَ ماں 50 سال ءِ میانجی ءَ کہ نوکیں درے پہ کشت ءُ کشار ءَ ماں بلوچستان ءَ پَچ کنگ بیتگ ، گوں ھالکار ءَ پہ اِے بارو ءَ گپ ءُ تران ئِے کُت ۔

آئی ءَ تران کنان کُت کہ : ھمے یک دو سال ءِ توک ءَ ماں بمپور ءِ شھرستان ءَ کسانیں جاگھے کرپاس کِشتگ ءُ چکاس اِتگ ءُ چار اِتگ داں کہ دیستگ کہ ما اِے پڑ ءَ سوبمند بوتگ اِیں گڑا اِمبری یک مزنیں کارے پہ کرپاس ءِ کشت ءُ کشار ءَ دست جتگ کہ 50 ھکتار ماں بمپور ءِ زمیناں کرپاس کشتگ ۔

آئی ءَ گْوشت کہ باپت ءِ بلوچ ءِ کارگس ءِ وجود ءَ کہ ماں اِے آبریچ ءَ یکے چہ مزنیں کارگسے پہ بریسگ ءُ گْوپگ ءِ پڑ ءَ شمار بیت ءُ کرپاس ءِ کشگ ءِ باوست ھم پہ ھمیشیگی ما دیم ءَ آورتگ کہ کرپاس ءِ کشت ءُ کشار یکے چہ مسترین ءُ ھژدری ئیں لوٹاں یک لوٹے کہ اِے ملک ءَ اِے کار ءُ کشار سک باز پکار اِنت ءُ ان شا ء اللہ کہ گوں اے کار ءَ کرپاس ءِ زیرگ ءُ آرگ چہ دگہ استاناں بَند کنگ بیت اِنت ءُ ما ماں کرپاس ءِ کشار ءَ پہ اللہ ءِ امیت ءَ بے نیاز بئیں ، سدی سد ماں بمپور ءِ شھرستان ءَ پہ بریسگ ءُ گْوپگ ءِ کار ءُ بار ءَ پہ باپت بلوچ ءِ کارگس ءَ دے اِیں کہ اِے کار سوب بیت کہ اے ملک ءُ آبریچ ءِ کار ءُ روزگار ءِ دیم روی ءَ یک مزنیں گامے چِست بہ کن اِیں ۔

ماں دیم تر ءَ استان ءِ کِشت ءُ کشاری سازمان ءِ زرائی کارمستر ءَ درائینت پہ کرپاس ءِ کِشت ءُ کشار ءَ ماں ھر ھکتارے ءَ 8 دانکہ 10 کس کار ءَ لگّ اِیت ۔