مکران ءِ تیاب دپ ، تَرّ ءُ تابی ءِ دیمروی ءِ پڑ ءَ ، یک ٹوھیں جلّ ءُ جہ بُنے ماں مُلک ءِ تہ ءَ انت .

چہ میارجل ءِ بنجاھی ھالرسانی ءِ ھالانی رد ءَ : واجہ سید ازّت اللہ زرگامی مُلک ءِ دود ءُ روبیدگی میراس ءِ وزیر ءُ سرکماش ، ماں گپ ءُ ترانے گوں میارجل ءِ ھالکار ءَ کہ گراناز ءِ ماڑی ھوٹل ءِ دیم درائی ءِ وھد ءُ درگت ءَ برجم دارگ بوت دَرّائینت کہ بلوچستان ءِ تیاب دپ ءِ تَرّ ءُ تابی گیگ ءُ جہ بن کیمتی ءُ بے درور انت ءُ پہ اے کار ءُ بار ءِ بودناکی ءُ دیمروی ءِ بارو ءَ ، گیشتریں جھد ءُ بُنمالے ازگار ءُ ھژدری انت . واجہ زرگامی ماں وتی گپانی دگہ بھرے ءَ گوشت کہ سیستان ءُ بلوچستان ، ھاسکار چھبار ءِ ھند ءُ دمگ ءِ تہ ءَ بازیں گیگ ءُ موہ ءُ جہ بنے پہ درھیں کار ءُ بارانی بارو ءَ ، چوشکہ راجی دود ءُ روبیدگ ءُ بلوچانی شاھگانیں جھمنندی ماں ایران ءِ لھتے ھلاکہ اں، بزاں ، بلوچستان ، گلستان ، ھرمزگان ، کرمان ءُ زرباری ھراسان ءِ پراھی ءُ اے دگہ درملکاں ، چوشکہ پاکستان ، اوگانستان ، اومّان ءُ ھندوستان ءِ تہ ءَ ، اے کوم ءُ راج ءِ گوستانک ءُ راجدپتر ءِ پَدّر کنوک انت / رجانک : میرجلال