بلوچ ورنا بلوچستان ءِ دودمان ءُ زبان ءِ بارہ ءَ پٹ ءُ پول بہ کن اَنت /بلوچ دود ءُ ربیدگ ءِ سرکنگ ءُ تَ

چہ میارجل ءِ رسانکدر ءِ بنجاھی ھال ءِ نیمگ ءَ : میارجل ءِ رسانکدر ءِ ھالکاری ءِ ٹول ماں بلوچستان ءِ رو ایرُشت ءَ گپ ءُ رپے گوں واجہ ابدل سلام ءَ گوں کہ بلوچی زبان ءِ لچہ کار ءُ پولکار اِنت ، کُتگ ئِے کہ شما اِشکن اِت ئِے ۔

آئی ءَ ماں گپ ءُ رپ ءِ توک ءَ گْوشت : بلوچ ورنا ءُ وانندہ ءُ زانتکار ماں زبان ءُ دود ءُ ربیدگ ءُ دودمان ءِ پجارگ ءِ میدان ءَ چہ میان سال ءُ پیریناں باز دیم ءَ تر اَنت کہ اِے یک جوانیں گامگیجے ۔ ماں پیشیگیں زمانگ ءُ پیشگیں چنت دھکاں بازیں چہ مردماں جھد ءُ کوشست کتگ بلے کم تر بوتگ اَنت ءُ آ وڑ ءَ نبشتہ ءُ جھد ءِ ھَکّ ءُ دَین اَدا نہ بوتگ بلے مرچی ورنا ءُ وانندہ ءُ زانوگر پاد آتکگ ءُ سر اِش چست کتگ کہ ھما گوستگینانی پد گر ءُ راہ ءِ روک اَنت ءُ یک وڑے بے کچ ءُ کساسیں سوبمندی اش ماں بلوچی دود ءُ ربیدگ ءُ زبان ءِ واست ءَ آورتگ اِش ءُ منی لیکہ ایش اِنت آ چیزے کہ مرچی اِیشاں رس اِتگ ءُ سربوتگ اَنت کہ ھم وتی جھدانی برورد اِنت اِش ءُ ھم گوستگینانی جھدانی سوب اِنت کہ راہ ءُ در اِش پہ پدریچ ءَ ھاسکار ماں زبان ءِ پجارینگ ءَ پچ اِش کتگ ۔

بزرگ زادہ پہ ایشی ءَ کہ چے بہ کن اِیں دانکہ بلوچی دودمان ءُ زبان وتی بُنی ءُ ھاسیں جاگہ ءَ سر بہ بیت ؟ پسو ئِے دات :"بلوچ ورنا ءُ پولکار باید بہ زان انت ءُ اسل دود ءُ ربیدگ ءُ زبان کجام اِنت ءُ دومی گامگیج ءَ باید جھد بہ کن اَنت دانکہ آئی ءَ ماں دگہ زباناں رجانک ءُ سر بہ کن اَنت ءُ الم ءَ ایشی ءِ برورد ماں ایشی ءَ انت کہ ھرچی گھتر زبان ءُ بلوچی دودمان ءَ پہ دگہ دودمان ءُ زباناں پجار بہ کنت ۔