بلوچ اِزمکار :شریں کارمستری ماں بلوچستان ءِ باسکوب ءَ کرامتے پیش داشت کنت+ تامر

چہ میارجل ءِ ھالرسانی بُنجاہ ءِ ھالانی رد ءَ : اِنام بادپا کہ اِے روچاں چھبار ءِ سینما جوان ءِ وانینگ ءِ اگدہ دار گچین کنگ بوتگ ماں میارجل ءَ آتک ءُ دیرگِند ءِ دیم ءَ بلوچستان ءِ سینما جوان ءِ بارہ ءَ گْوشت ئِے ءُ چھبار ءِ سینما ءِ بارہ ءَ نگد ئِے پیش کت اَنت کہ کرار اِنت ماں یک نز آورتگیں رھبندے ءَ چھبار ءِ سینما ءِ انیگیں جاوراں گھتر بہ کنت ۔
آئی ءَ اِے لیکہ ھست کہ شریں کارمستری نہ بیگ ءِ سوب ءَ دان انیگ ءَ چھبار ءِ سینما ماں رُنگراہ ءَ شُتگ ءُ انگت گوں اِے جاوراں امیت وار اِیں کہ زوت ءَ استاد گری ءُ شر زانتی ماں سینما ءِ پڑ ءِ مردمانی واست ءَ پد ءَ واتر کنت ،البت اگدہ دارانی نادلگوشی ءَ پہ بلوچستان ءِ ورنایاں ءُ سینما دوستیں باسکانی وانینگ ءِ بے بستاری ءِ سوب ءَ چہ بلوچستان ءِ ازمکارانی بے واھگی ءُ بے تھمبلیءَ زانگ اِنت ۔