بے سِجَلی ءُ نا ڈیھی ءِ جنجٹ ، یک ایرانی لوگمان ءِ زند ءِ ھال ءَ را ، بلوچستان ءِ تہ ءَ تھل ءُ کُچّل ک
چہ میارجل ءِ بنجاھی ھالرسانی ءِ ھالانی رد ءَ ; اِلم ءُ زانشت ءِ بود ءُ دیمروی ، لس مھلوک ءِ زند ءَ را آسان کتگ ، مردمانی بازیں کار ءُ بارے گوں گوانکو ءَ کنگ بیت . نگن ، "بانکی کارت" ءَ گوں ، دََیَگ ءُ زیرگ بیت . زرّ ، گوانکوانی سر ءَ راہ دیگ بنت ءُ پہ "سیمکارت" ءِ زیرگ ءَ ھم مردم ءَ سجل ءُ ملّی کارت ءِ درکار انت ءُ ..... نوں اے دیمرویں گیدی ءِ توک ءَ پہ ھمے کار ءُ باراں کہ ما بُرز ءَ لڑ کت انت زندماں گران کپتگ .
چہ بے سجلیں مردماں ھر کجام جاہ ءَ کہ رَوَ انت سجل لوٹ انت ءُ سجل ءِ نہ بیگ ءِ ھاتر ءَ ، آھانی زھگان چہ وانگ ءُ دربرگ ءَ زبھر بنت ءُ پَشت کپ انت ، داں جاھے کہ پہ وتی لاپ ءِ نگن ءَ ھم مونڈ ءُ مھتاج بنت ....
اے لوگمان ءِ مردمان ھور گوں ایرانی بیگ ءِ منّانکاں ، اے چنت سال انت کہ وتی سجل انی گِرَگ ءِ ھاتر ءَ تچ ءُ تاچ انت بلے دنیگت ءَ جاھے سر نہ بوتگ انت .
گِہ ءِ دمگ ءُ شھریری ءِ کلگ ءَ ، اے لوگمان ءِ مردماں میارجل ءِ دیرگند ءِ دیم ءَ چہ وتی بے سجلی ءِ واری ءُ بزّگی اں کہ آھانی چما ءُ پادانی دیم ءَ ، گرانیں سنگے ءِ داب ءَ مکّ انت ، گپ کُت ءُ چہ ملک ءِ سرکاری اگدہ زیراں لوٹ ات کہ پہ آھانی سجل گرگ ءِ ھاتر ءَ کور گرھنیں رھبندانی گرانیں سنگ ءَ چہ آھانی دیم ءَ بہ زیر انت .
رجانک : میرجلال .
هالکار : امید درزادہ
کارمرز کنوکانی هیال