ھالے چہ بلوچانی بھارگاھی روچانی مراگاہ ءَ /بھارگاہ ءِ بنداتی ندارگ جاہ پہ بھارگاہ ءِ نام ءَ ماں راس
چوناھیگا بلوچستان ءَ زرباری ھَند ءُ دمگ سال ءِ چاریں موسماں دلکش ءُ بھاری انت بلے بھارگاہ رَند چہ تاکچنڈ ءَ بندات بیت ءُ وڑ وڑیں کاہ رُد اَنت ءُ پُلّ سْرپ اَنت ءُ شمش ءُ ھالکو ءُ گراپاد وتی پَتر ءَ ماں مسکیں زمین ءِ سر ءَ پَچ کن اَنت ۔
چہ میارجل ءِ ھالرسانی بنجاہ ءِ ھالانی رِد ءَ : راسک ءُ سرباز ءِ مردماں پہ بھارگاہ ءِ وش آتک ءَ یک ندارگ جاھی مراگشے چہ دست ساچ ءُ وڑ وڑیں ازم ءُ ساز ءُ زیمل ءَ ٹھینتگ اِش ۔ ماں اِے ندارگ جاہ ءَ لھتیں ھَندی ورگ ءُ سِیچّن دوچی ءُ کشتکاری ءِ اَوزار دیم ءَ آرگ بوت اَنت ءُ گوں چاپ ءُ دوگانہ ءُ ساز ءُ زیمل ءَ بھارگہ ءِ وش آتک ءَ شتگ اَنت ۔
رجانک : جاڑو بلوچ
کارمرز کنوکانی هیال