روایتے چہ یک کاردرگیجیں لَچّہ کارے ءَ/ ھمید ملک زادہ ءَ 800 مردم کار ءَ دارائینتگ+تامُر

میارجلّ ھالرسانی بُنجاہ ءِ گُزارش ءِ رِد ءَ؛ ھمید ملکزادہ پہ سیستان ءُ بلوچستان ءِ مردماں آژناگیں نامے؛ آ ماں سراوان ءَ جالک ءِ شھر ءَ ودی بوتگ ءُ ماں زاھدان ءَ زندگی کنگ ءَ اِنت ءُ مدتے بیت کہ لَچّہ گُشگ ءَ اِنت ءُ پنچ دانگ کتاب ئِے چاپ کنائینتگ.

ھمید ملکزاد ءِ لَچّہ مھر ءُ واھگی اَنت لچّہ کاری ءَ اَبید آئی ءَ زمین زانتی ءِ کارزانتی ھست اِنت کہ ماں سال 93 ءَ یک دَشتے آبادئِے کُتگ کہ اَنّوں 800 مردم اُود ءَ کار ءَ اَنت.

گُش اِیت : ماں سیستان ءُ بلوچستان ءِ اُستان ءَ  ھچ رنگیں بے کاری پیداگ نہ بیت؛ اِینچو تْراز ءُ برنامگ ھست بلے بژن کہ مئے ورنا ڈیزل کشّی کنگ ءَ اَنت اَگاں ھمت بہ کن اَنت مئے اُستان ءَ ھم کار باز اِنت ءُ پہ اَرزانی کار ءَ دلگوش بوت کن اَنت.

ملک زادہ گیش کنت : کار درگیجی ءَ گیشتر دلگوش بہ دئیں ءُ ما توان اِیں گوں کارجاہ ءُ برنامگ جوڑ کنگ ءَ بازیں تْرازے پیش بہ کنیں کہ گازائل کشّی ءِ نیاز مارا نہ بیت. شھرستان دشتیاری ءَ مارا دو برنامگ ءُ تْراز ھست کہ توانیں چُنت مردم کار ءَ بہ داریں.

آئی ءَ آسر ءَ گُشت : رُب گُرجہ ءُ ماں کبس ءَ ماھیگ ءِ رُدوم ءِ کارجاہ ءِ تْراز ءَ زوتّ ماں دشتیاری ءَ بنگیج کنیں اُمیت واریں کہ دشتیاری ءِ ورنا کارلوٹی ءُ کار ءَ پہ جْوانی وشّ آتک کن اَنت.

رجناک: جنید بلوچ