راسگ ءِ دمگ ءَ پشامگ ءِ کور ءِ پَسّ اتگیں موٹل ءِ آسرال چوں بوت ؟
چہ میارجل ءِ بنجاھی ھالرسانی ءِ ھالانی رد ; راسک ءِ دمگ دار ءَ گوشت کہ چہ پشامگ ءِ کور ءِ آپ ءُ آمال ءِ سَرّیچ بیگ ماں بلوچستان ءِ زرباری دمگاں ، اے ھند ءِ مردماں ھچ وڑیں جانی تاوانے نہ دیستگ .
واجہ کدھدائی ءَ تران کت کہ ھور ءُ ھرّگاں ھند ءِ سرون ءَ بوتگ انت ءُ شگر انت کہ ھچ وڑیں جانی تاوانے مردمانی سر ءَ نہ کپتگ .
اے واجہ ءَ کیش کت کہ ھند ءِ ۱۲ گوگ ءِ تہ ءَ ، آپ ءُ آمال ماں شلاپتگ ءُ یک موٹلے ءَ اوں آپ ءَ بُرتگ ، اے درگت ءَ لس مھلوک ءُ ھلال احمر ءِ واک ءُ وساں ، آمال جتگیں مردمان ءَ چہ آپی ویل ءَ رکّینتگ انت ءُ آھان ءَ نکسانے نہ رس اتگ .
دمگدار ءَ گیش کت کہ چوشیں سروھداں لس مردم وت ءَ را چہ کورانی جگرد ءُ کش ءُ گوری کِرّ ءُ کمرہ اں در بہ کش انت .
واجہ علیرضا میربھاء الدیں ھلاکہ ءِ "ھلال احمر" ءِ مزن کارمستر اے رد ءَ گوشت کہ ادار ۷ ءُ ۲۰ دمان ءَ پشامگ ءِ اسلامی شورجاہ ءِ کماش ءِ گوانکوئی رھوت ءِ رد ءَ ، یک موٹلے گوں ھلّائینوک ءَ چہ پشامگ ءِ کور ءِ آمال ءِ سریچ بیگ ءِ ھاتر ءَ اشتاپی ءَ ما "ھلال احر" ءِ یک کمکی گَلّے چہ نسیراباد ءُ ۲ نپر ءَ ھم چہ راسک ءِ شھر ءَ ، اے جاہ ءَ راہ دات .
واجہ امیر بھاء الدین وتی گپانی گیشتریں بھرے ءَ کوشت کہ موٹل والائیں مردم گوں ھلال احمر ءِ راہ داتگیں گل ءِ کمک ءُ مدت ءَ چہ کور ءَ کَشّگ بوتگ . ھمے بارو ءَ ھلال احمر ءِ امباسکاں گوں کور ءِ کش ءُ گوری جھمندیں مردمانی چارگ ءُ پٹّ ءُ لوٹ ءَ ۱۲ گُزِند دیستگیں لوگ ، شوھاز ءُ پجارگ بوتگ انت ءُ دیمتر ءَ آھان ءَ سزکاری کمک ءُ آسراتی دیگ بیت / رجانک : میرجلال .
کارمرز کنوکانی هیال