پھرہ ءِ مردم چہ شھر ءِ زرباری ماں کپی پھل ءَ کہ چنت سال ءِ گوزگ ءَ رند انگت ءَ ناسرجم منتگ ، ماسیت کنگ

چہ میارجل ءِ بنجاھی ھالرسانی ءِ ھالانی رد ءَ ; پہ ھند ءُ دمگانی نیام ءِ رَوَگ ءُ آیَگ ءَ راہ ءُ دگاں ٹوھیں بستارے ءِ واھوند انت ، چہ اے ھاتر ءَ کہ راہ ءُ دگانی بُن ھِشت پہ ملکانی بیاپاری دے ءُ گِر ءُ آھانی نیامی رھوت ءُ دزرس ءِ گوَم ءُ گیگ دیوک انت .

پھرہ شھر ءِ زرباری نیمگ ءِ ماں کپگ ءَ کہ چہ گِہ ءِ ھند ءُ دمگ ءُ ھیراباد ءِ ھبیلی ءَ کا انت یک ناسرجمیں پُھلے گندگ بیت کہ بازیں وھدانی گوزگ ءَ رند ، وتی نیم ساچیں ھال ءَ یلو انت . گوستگیں روچانی درگت ءَ ھم گوں موٹلے ءِ سرانڈیل بیگ اے پُھل ءِ جھلی آپ ندارگ ( آب نما ) ءِ سر ءَ یک مردمے بیراں بوتگ .

اے تامرھال ءِ رد ءَ گوں ، ما جھد کتگ کہ پھرہ ءِ مردمانی گپ ءُ دیدانک ءَ اے پھل ءِ ناسرجمی ءِ بارو ءَ دَرَنگاز بہ کن ایں.

رجانک : میرجلال