میارجل ءِ گپ ءُ رپ گوں بلوچانی اِزمکار ءَ / میارجل ءَ شریں ساچشت ءُ ھاٹیگ مندی ھست اَنت+تامر
ابراھیم ساویز بلوچانی ازمگر پہ میارجل ءِ کارگس ءَ ماں پھرہ ءَ آتک ءُ په میارجل ءَ دل ءِ پتر ئِے پچ کت ءُ بے پردگ ءُ راستی ءَ گپ ئِے درانگاز اِت اَنت ، چہ ازمکاری ءُ زندمان ءِ جھل ءُ برزیاں گْوشت ئِے ءُ میارجل ھاٹیگ مند ءُ نوک ساچشتیں رسانکدر ئِے پجار کت ۔
چہ میارجل ءِ ھالرسانی بنجاہ ءِ ھالانی رِد ءَ : ابراھیم ساویز بلوچانی ازمکار ءُ لچہ کار گْوشگ اِنت : میارجل ءِ ھالرسانی بنجاہ ءِ دلگوش کرزی پہ بلوچستان ءِ ھژدری ئیں جیڑگ ءُ جنجالاں سک باز سیت مند اِنت ۔
ابراھیم ساویز ءَ کہ اِے روچاں شریں ءُ دلگوش کرزیں جھد ئِے ماں لچہ ءُ لبزانک ءِ دنیا ءَ ھست اِنت ئِے کہ میارجل ءِ ھالرسانی بنجاہ ءَ ماں پھرہ ءِ شھرستان ءَ ساڑی بیت ءُ وتی جھد ءُ ازمگری ءُ لچہ ءُ لبزانک ءِ گڈی جاورانی بارو ءَ گپ ءُ تران ئِے کت ۔
آئی ءَ ماں وتی گپ ءُ رپانی تہ ءَ گُشت : ازمکاری ءِ گوازی کنگ چہ کسانی ءَ بِندات ءُ مدام رندگیری ئِے کتگ ءُ جیڑگ ءُ جنجالانے کہ ماں نوک ورنائی ءُ گوازی کنگ ءِ بندات ءَ آئی ءِ راھسراں میلانک بوتگ اَنت ھچبر نا امیت نہ بوتگ ءُ گوں ھاٹیگ مندی ءَ وتی کار ئِے دیم ءَ بران کتگ.
کارمرز کنوکانی هیال