کنکور ءِ رِد ءِ سی ءُ پنچمی (35) سابرِد ماں یک پَٹلُکیں بلوچے ءِ دست ءَ + تامُر

چہ میارجل ءِ رسانکدر ءِ بُنجاہ ءِ رسانکدری ٹول ءِ ھال ءَ : بھمن رھمت زائی چہ سوبمندیں کسان کدان اِنت کہ کنکور ءِ اَرشد ءِ سرپ ءِ سی ءُ پنچمی شمار ماں (گیاہ پزشکی کشاورزی) تبیبی تھلگانی تَھر ءَ ماں تھران ءِ شھدربرجاہ ءِ چکّاس ءَ سوبمند بوتگ.

پرھاد مودب دگہ یک کسان کد اِنت کہ 39 سال آئی ءِ اُمبر اِنت ، اِزمکار ءُ وردشکار اِنت ، استان ءِ کسان کدانی گل ءِ باسک اِنت ءُ ایران ءِ کسان کدیں تیم ءِ ھم گوازی کنوک ءُ یک باسکے کہ استانی ءُ کشوری ءِ بازیں گروھتاچی ءُ اِزمکاریانی باج ئِے برتگ ءُ کَٹّ اِتگ  کہ بازیں مگام ءُ مُنسبانی واھند اِنت. 

سمیرا ریگی دگہ یکے چہ بلوچستان ءِ سوبمندیں کسان کدان اِنت کہ گوں سِیچن ءُ بندیک ءَ گوں ماں گُد ءِ راڑانی میانجی ءَ ڈَکّ شولّارین اِیت ءُ براھداریں پُل ءُ چکن دوچ اِیت ۔
آئی ءَ کہ تب پجاری ساٹگی ءِ لیسانس ئِے ھست اِنت  دوچگری ءِ اِزم ئِے چہ مات ءِ گور ءَ درئِے بُرتگ ءُ ھمے سوب بوتگ کہ پہ وت کار ءُ دَندھے شوھاز اِتگ ئِے  ۔

کم چہ کم دہ 10 کَس چہ بلوچستان ءِ کسان کدّاں سِجِل نیست اِنت ءُ ھرچنت لوٹ ءُ رو ءُ آ اِش کُتگ بلے داں انگت جوانیں آسرالے ءَ نہ رس اِتگ اَنت ءُ بدتریں ھالت ءَ زند گوازینگ اَنت ءُ چہ دولت ءِ نیمگ ءَ ھِچ وڑیں کمک ءُ مدت نہ بیگ اَنت ءُ ھیرواہ ءُ نیگواہ ءُ دولتمردانی گیشتریں چار ءُ بیچّار ءِ وازمندگ اَنت ۔

استان ءِ کسان کدانی گلّ مریم نادری ءِ ھمّت ءَ جوڑ بوتگ کہ بانک نادری ءِ امبر 39  اِنت ءُ کارپجاری ءِ پِیش دبستانی ءِ استاد ساٹی ءِ زانت دربر اِنت کہ وت ھم یک کسان کدیں مردمے اِے گل ءَ ھمے انیگ ءَ 126 باسک ھست اِنت کہ 17 کس ءَ سور کتگ ءُ ایشانی سرجمیں ھساب ءِ توک ءَ سَے کَس بیران بوتگ.

کسان کدانی گیشتریں نگیگی ءُ مشکل گُدہ ءِ در آرگ ءِ نادراھی ءُ ھَڈانی نِزوری ءُ ناجوڑی اِنت ءُ چہ کسان کدانی دگہ نگیگی ءَ اِیشی ءَ گوشت کن اِیں کہ شریں کار ءُ روزگار ءِ نہ بیگ ءُ نیزگاری ءُ تنگ دستی ءِ سوب اَنت ءُ شریں ادارھے نہ بیگ ماں اِیشانی سر بر ءَ ءُ بیمہ ءِ نِیستی ءُ کار ءُ روزگار ءِ نیمگ ءَ ھم اشارہ کت کن اِیں.