گنداوگ ءِ دمگ ءُ چوٹ آباد کلگ ءَ ، لین ءُ برگاں مردم ءِ زند ءُ جان بلاہ بوتگ

چہ میارجل ءِ بنجاھی ھالرسانی ءِ ھالانی رد ءَ ; گنداوگ ءِ جھگیری ھند ءُ چوٹ آباد ءِ کلّگ ءَ برگانی ھاٹیگ ءِ نزوری اں ، لس مردم ءِ زندمان ءَ را شِزار کتگ .

اے ھلک ءِ لھتے مردماں ، گپ ءُ تزانے ءِ رد ءَ گوں میارجل ءِ ھالکار ءَ چہ برگانی ھاٹیگ ءِ کمّ ءُ گیشی ءُ وتی لوگانی آسراتی سامان ءِ مکینہ انی سُچگ ءَ سک ناراز ءُ چہ ھند ءِ اگدہ داراں اے مشکل ءِ توجیل کنگ ءَ لوٹ انت . چوٹ آباد ءِ کلگ ، چہ گنداوگ ءِ رونشتی نیمگ ءَ ، ۳ کیلومتر گستا انت . اے ھلک ءَ ، ۱۱۷۳ مردم ۲۸۷ لوگمان رد ءَ زند گوازینگ ءَ انت .

گنداوگ ءِ برگانی کارگس ءِ کماش ءُ کارمستر ، اے مشکل ءُ نگیگی ءِ بارو ءَ میارجل ءِ ھالکار ءِ جست ءُ پرسانی پسو دیگ ءَ نہ مَنّ ات .

ھالکار : امان اللہ عزیزی .

رجانک : میرجلال .