بنزن ءِ درجیں سرپانی یک شَلی ، ذمہ وارانی نادلگوشی ءِ ساھگ ءِ چیر ءَ

چہ میارجل ءِ بنجاھی ھالرسانی ءِ ھالانی رد ءَ ; بنزن ءِ سرپاں ماں دزّاپ ءِ شھر ءَ کہ لھتے بر اں اے سرپانی دراجی داں چُنت کیلو مٹر چیٹ وارت چہ رسانکدرانی نیمگ ءَ باز ھالرسانی بوتگ ءُ زمہ واریں کماس ءُ کارمستراں ، پہ اے سرپانی گُوَنڈ گِرَگ ءُ کم کَنَگ ءَ باز لَبز ءُ کول داتگ بلے انّی ءَ گِندَگ ءَ ایں نے کہ اے شِلگِرَہ کم بوتگ ءُ نے پہ مردم ءُ رسانکدراں اے بارو ءَ واک ءُ وَسے مَنتَگ .

دزّاپ ءِ یک شھری جھمنندے کہ ھمے سرپانی اوشتوک ءُ وَداریگ اَت ماں گپّ ءُ ترانے گوں میارجل ءِ ھالکار ءَ گُوَشت : اے دراجیں سرپانی اوشتانکی نوں پہ دزّاپ ءِ مردماں اَدَنائیں گپّے بوتگ ءُ مردم اے کار ءِ سر ءَ ھیل گِپتَگ انت . اے واجہ ءَ گیش کُت کہ ھلاکہ زمہ وار اں گُوَستگیں ماھانی تہ ءَ پہ مردمانی اے مشکل ءِ توجیل کنگ ءَ ماں رسانکدر اں لَبز داتگ ءُ جاک ءُ توار کتگ بلے مردمانی اوشتگ ءُ وداریگی ماں بنزن ءِ دراجیں سرپاں ، انچوش کہ پیسر ءَ انگت ءَ پدّر انت / رجانک : میرجلالزھی