بمپور ءِ آبند ءِ ھُشک بیگ چہ اُگدہ دارانی بِیست سالی نادلگوشیانی سوب ءَ +تامُر

چہ میارجل ءِ ھالرسانی بنجاہ ءِ ھالانی رِد ءَ : سدّ ءِ دوراھی ءِ شورا ءِ باسک ماں گپ ءُ رَپّ ءَ گوں میارجل ءِ ھالکار ءَ گْوشگ اِنت : اِے جاگاہ بیست سال پیش انچیں جاھے بوتگ کہ کِرّ ءُ کَنِکّ ءِ 100 دَمگ ءِ آپ ئِے پُجینتگ ءُ کِشت ءُ کِشار بوتگ ءُ اِد ءَ دگہ شَھر ءُ آبَندانی مردم پہ سَیل ءُ سواد ءَ آتکگ اَنت بلے بژن کہ مرچی چہ اُگدہ دارانی نادلگوشی ءُ بے ھیالی ءَ ھُشک بوتگ ءُ ناں اِیوک ءَ آپ ئِے نیست بلکیں گوں چار متر ھاک ءَ یک جُمپے جوڑ بوتگ ۔
میارجل ءِ ھالکار ماں مَیدانی ھال ءَ گوں اِے مردمانی لوٹُک ءَ اے آبریچ ءَ آبند ءَ شُتگ ءُ یک گلگدارئِے جوڑ کتگ ۔ سد ءِ دوراھی شورا گْوشگ اِنت ، اِے آبند ءِ بَچّینگ ءِ راہ دولت ءِ تْرندیں بس چہ گامگیج زورگانی توک ءَ اِنت ءُ یک ھاسیں مال ءُ مڈی یے اِیوک ءَ پہ اِے کار ءَ چہ آئی ءِ نیمگ ءَ گِیشّینگ بہ بیت ۔

رجانک : میرجان میر