بلوچ ندکار ءُ پٹّ ءُ پول کنوک : پاکستان ءُ اوگانستان ءِ دو دریں ملکانی سیمسر ءِ ھوری ءُ ھمساھگی ءِ ھس

واجہ محمد امین سپاھیان پھرہ دمگ ءِ جھمنندیں ندکارے ، یک نند ءُ نیاد ءِ ئے رد ءَ گوں میارجل ءِ ھالکار ءَ گوشت ; ملک ءِ تہ ءَ سیستان ءُ بلوچستان ءِ ھلاکہ ، چہ آپی ءُ سرزمینی سیمسرانی بستار ءَ ایوک ءُ تا انت . "اقتصادی" ءُ امن" ءِ تک ءُ پھنات ءَ اوں ھلاکہ ءِ تہ ءَ ٹوھیں کِرد ءُ کارپدے ھست . اے واجہ ءَ گیش کت کہ بلوچستان ءِ تہ ءَ "اقتصاد" ءُ چاگرد ءِ مالی جاورھال ، ایمنی ءُ بنمال بندی ءِ دیمروی ، یکادگر ءَ گوں ھمگرنچ انت . چہ "اقتصاد" ءُ مُلک ءِ ایمنی ءِ مُچّی ، بنمال بندی ءِ دیمروی اں ٹھینگ بنت . اے واجہ وتی گپانی رندگیری ءِ دگہ بھرے ءَ ، چھبار ءِ آزات بندن ءُ مکران ءِ تیاب دپانی دیمروی ءِ کار ءُ بار ءَ ، بلوچستان ءِ "اقتصادی " جاورھال ءِ دو کاھمیں مُنَک لیک ات ءُ گوشت کہ زِر بُنّکی "اقتصاد" ، بلوچستان ءِ زرباری دمگان ءِ اسلی تریں بُن ھِشت ، ماں دیمروی ءُ بنمال بندی ءِ پڑاں لیکگ بنت ءُ مکران ءِ تیاب دپاں چہ اے ھساب ءَ جتا ءُ گِستا زانگ نہ بنت . پمیشکا اے ھُدا داتگیں موہ ءُ گیگانی سر ءَ ھاسیں چار ءُ بیچارے کنگ لوٹ ایٹ / رجانک : میرجلال .