بے اِلّ ءُ گِش ءَ بلوچستان ءِ میتگانی چِیدگے /نوبندیان ءِ سِیتّل یکّے چہ دشتیاری ءِ سَلہ ءُ پلگارتر

میارجل ءِ ھالرسانی بنجاہ ءِ ھالانی رد ءَ ; آرپ بادپا ءَ گپ ءُ ترانے  کہ گوں میارجل ءِ ھالکار ءَ کُرتگ ئِے گُشت ئِے:سیتلّ ماں نوبندیان ءِ میتگ ءَ یک کیلومتری ءَ اِنت کہ 489نپر آئی ءِ جاھمنند اَنت ءُ جگراپیائی جاگھ ءِ نگاہ ءَ اے میتگ پھرہ پہ چھبار ءِ مزن راہ ءِ کَش ءَ اِنت.
آئی ءَ دیمتر ءَ گُشت: اے کار کہ من کُرتگ اَنت یکے چہ  اے کاراں لَنش ءُ  گَنشلانی دْرپ جاہ جوڑ کرتگ اَنت ، میتگ ءِ دَگ پکّا کرتگ ، پکّا ءِ ھَت ءُ نشان ءُ پیادگیں مردمانی راہ نشان کُرتگ  ءُ پہ گونڈواں لیبجاھے اڈّ کرتگ کہ دشتیاری ءِ دمگ ءِ پرماندار ءَ گوں من ھمراھداری کرتگ ءُ ھنچُش میتگ ءِ دلجمیں مردم ءُ شورا ء اسلامی اوں ھمراھدای کرتگ.
سیتل  ءِ میتگ ءِ دھیار ءَ دیمتر ءَ گُشت: باز ارادہ اوں  ھست کہ یکے چہ آیاں میتگ ءِ شھدگ ءُ دمکانی نام بندی اِنت کہ اے کار زوتّ کنگ بیت ، مسیت ءِ اوشتجاہ ءِ ساپ کن ایں کہ باز نمازی مسیت ءَ کیت. سیتل ءِ میتگ گونڈیں میتگے (اَوَارز) باوست ءِ تھ ءَ دُکّانے نیست کہ اوارز ئِے بہ گراں تاں پہ دھیاری ءَ مدتے بہ بیت ءُ چُنت نپر پھکپاں بہ داراں، اے بارہ ءَ میتگ ءِ ورنا گوں وتی میل ءَ پھکپانی کن اَنت تا میتگ پھک ءُ پلگار  بہ بیت.
آئی ءَ گُڈسر ءَ گُشت: ھر دھیار اگاں وت بہ لوٹ ایت کار کُرت کنت پہ شَرتے کہ مردم ، شورا ،  کماش  گوں دھیار ءَ ھمراھداری بہ کن اَنت.

رجانک: آبد رھشون