ایران ءِ اسلامی مزن شورجاہ ءِ کشاورزی ءُ کِشت ءُ کِشاری ءُ ......ءِ ھاسیں گلّ ءُ کمیسیون ءِ بیل ءُ باسک

چہ میارجل ءِ بنجاھی ھالرسانی ءِ ھالانی رد ءَ ; اسلامی مزن شورجاہ ءِ ( کشاورزی و منابع طبیعی ) ءِ گلّ ءُ کمیسیون ءِ بیل ءُ باسکاں ، پہ لھتے ھاسیں ( آبخیزداری و منابع طبیعی ) کار ءُ بارنی چارگ ءُ گند ءُ گُزار ءِ ھاتر ءَ گنداوگ ءِ دمگ ءَ آتک انت . چھبار ءِ نمائندہ ءُ جھگیر ، اے سات ءُ سپر ءِ ھمراھداری ءِ رد ءَ گُوَشت کہ ھمے گلّ ءُ گروپ ءِ گوستگیں چکّر ءِ وھد ءَ ، گِہ ءُ گنداوگ ءِ کلگانی کھن ءُ چاتانی دوبَر ساچی ءِ ھاتر ءَ بازیں بُنمال ءُ اھتبارے گیشینگ بوتگ ات ، گوں اے ھساب ءَ کہ داں انّی ءَ اے بارو ءَ کمّے بنمال گیش ءُ گیوار بوتگ ، نوں پہ اے کارانی ھاتر ءَ ماں انیگیں سات ءُ سپر ءَ ، ما را پورہ ئیں اھتبار ءُ بنمالے ءِ شوھازگ ءَ ھژدری انت . واجہ سئیدی ءَ گُوَشت کہ پہ گنداوگ ءِ دمگ ءِ کلّگانی آپ ءِ کَمّی ءِ جنجٹ ءِ بارو ءَ ، چار ءُ بیچار ءُ شوربندی بیت . اے واجہ گوشت کہ بژنی گپ اش انت کہ راج ءُ مردم ءِ زمین ءُ ڈگارانی چہ 100 ءَ 95 ءِ بھر اِش چہ دولت ءُ سرکار ءِ نیمگ ءَ ، دولتی ءُ پہ وت کنگ بوتگ انت ، پمشکا ما را امیت انت کہ اے ھند ءُ آپسرانی ( چُشکہ پلان ، پیرسھراب ) ءِ زمین ءُ ڈگاراں اے دمگانی ( تلنگ ءُ گنداوگ ) ءِ مردمان ءَ واپد دیگ بہ بنت . اسلامی مزن شورجاہ ءِ کشاورزی ءُ کِشت ءُ کِشاری ءِ گلّ ءُ کمیسیون ءِ کماش ماں گنداوگ ءِ اداری شورا ءِ دیوان ءَ گوشت کہ اے کار ءُ بار اں ( آبخیز داری ) ءُ رومبوکیں آپانی جنجٹ ءِ بارو ءَ ماں ملک ءِ اسلامی مزن شورجاہ ءَ رندگیری بیگ ءَ انت . واجہ اسگری ءَ گوشت کہ گوستگیں سات ءُ سپر ءِ وھد ءَ ما را لھتے شور بندی بوتگ ءُ انی ءَ ھم ما را ھما شوربندی انی سر ءَ چار ءُ بیچار کنگ لوٹ ایت . امیت انت کہ چہ اے سات ءُ سپر ءِ برورد ءَ پہ اے ھند ءُ دمگاں شَرّیں تپاکانے بہ کپ ایت . گوشگ لوٹ ایت کہ اے سات ءُ سپر ءِ درگتاں ، بلوچستان سیاسی مزن کماش ( استاندار ) ، واجہ سئیدی چھبار دمگ ءِ جھگیر ءُ سرکاری کازانی لھتے چہ کارگسانی مزن زمہ وار اں ھور ءُ ھمراہ بوتگ انت/ رجانک : میرجلال

گزارش از: امان الله عزیزی