آتش آباد ، جھمنندیں مردم کہ چھبار ءِ شھر ءِ یک نوک اڈ بوتگیں ھلک ءُ بازارے انت میارجل ءِ دیرگند ءِ دیم ءَ چہ وتی ھلک ءِ جنجٹ ءُ شلگرہ انی بارو ءَ گپ کت . انچوشیں شلگرہ کہ ھر یکّے ءِ توجیل ، دگہ نگیگی انی رھدری ءَ کمک کُت کنت بلے بژن انت کہ چہ ھند ءُ دمگ ءِ اگدہ دارانی نیمگ ءَ کموکیں جھدے ھم اے پڑ ءَ گندگ نہ بیت

دگہ تیاب دپی ھلاکہ انی بگیر ءَ ، سیستان ءُ بلوچستان ءِ لانچان ءِ بُن لانچی گراز ءُ سامان ( جانشوئی لر ءُ پر ) ءِ آرگ ءِ موکل ، مہ کن انت ءُ اے دمگ ءِ جانشو اں چہ اے ھاتر ءَ گلگ کنگ انت .

جمھوری کماش ءِ سات ءُ سپر دیم پہ چھبار ءِ ، میارجل ءِ توازہ ای گشتانک ءِ سر ءَ . ایران ءِ جمھوری کماش لھتے کار ءُ بارانی راہ پرّینگ ءِ ھاتر ءَ بلوچستان ءِ زرباری دمگاں گشت ءُ گولے کتگ . میارجل ءِ ھالکار واجہ ءِ اے سات ءُ سپر ءِ کش ءُ گوری گپانی بارو ءَ لھتے توازہ کتگ ، ما را گوں ھور ، اے تامرھال ءَ بہ گند ات / رجانک ; میرجلال .

کار ءُ بارانی بلدی ءُ سرپدی ءِ ھاسکاریں اولی نند ءُ نیاد گوں شھدربرجاھی کارستان ءُ "صنعتی" بنجاھانی سروک ءُ کماشانی ھوری ءَ ، چہ مکّران ءِ دیمروی ءِ شورجاہ ءِ نیمگ ءَ ، ماں چھبار ءِ بندن ءَ برجم دارگ بوت .

" شیخ الحدیث مولانا عبدالرحمن سربازی " ساھب ، ماں چھبار ءِ سُنّی مھزبانی آدینگ ءِ نمازانی پیژ امام ، ماں اے ھپتگ ءِ آدینگ ءِ نماز ءَ گوشت ; روچگانی ماہ ، پہ پاکیں ھاوند ءِ ابادت ءُ منوگری اں یکّے چہ گِھتریں ماھان انت ، اے ماہ انچوشیں ماھے انت کہ پاکیں اللہ ، آے درگت ءَ وتی آزمانانی پراھی ءِ کچّ ءَ ، وتی رھمتانی پرزونگ ءَ تچک کنت ءُ وتی بندگان ءَ آئی ءِ سر ءَ لوٹ ایت ءُ تَلَپ ایت / رجانک : میرجلال

میارجل ءِ دیرگند اے رند ءَ وشنام میرگل ءِ ( کہ یکّے چہ چھبار دمگ ءِ کلّگان انت ) نندوکیں مردمانی نیام ءَ شُتَگ . اے کلّگ ءِ مھروان ءُ دوستناکیں مردمان ءَ ھچّ وڑیں راھے پہ روگ ءُ آیگ ءِ ھاتر ءُ اے دگہ ملکانی مردمان ءِ گِندَگ ءَ نیست چمیشکا سالانی سال انت کہ وتی درھیں مشکل ءُ شِلگِرہ انی تہ ءَ پَشت کپتگ انت

ماں چھبار ءَڈچہ گونڈیں بوجیگ سواری ءِ یک الکاپیں بنجاھے ءِ نہ بیگ ءِ سوب ءَ ، اے دمگ ءِ مساپر ءُ گونڈیں بوجیگ داران لھتے شِلگرہ انی آماچ انت .

موٹلانی آس ءِ جَپاں ، راھی ءُ ڈلیوری تُپاکان ءُ ھر سال ءِ سَدانی مرک ءُ بیرانی چہ اے ھاتر ءَ ، ماں بلوچستان ءِ مَرک آروکیں راھاں ، پہ مُلک ءِ جھگیر نندوکیں راہ ءُ دَگانی زمہ واراں انچنائیں تُپاکے لیکگ بوتگ . چوناھا آھانی وتی دمگانی دگ ءُ راھاں تَچک ءُ الکاپیں دو گُوَری راہ انت ءِ اے ڈولیں مُسیبتانی سردُچار نہ بنت . اے تامرھال ءَ تہ ءَ چھبار ءُ کُنَرَک ءِ درمیان ءَ یک ڈیزل کشّ ایں بُن گِپتَگیں موٹلے ءَ گِند اِت کہ ھر چاروکیں مردمے ءِ دل ءَ آس ماں دار ایت .

چھبار ءِ دمگدار ءِ آباتیانی جھمنند ءَ گُوَشت کہ گوں اے اَزمائشت جاہ ءِ دیمدرائی ءَ چھبار ءِ کَش ءُ گُوَری کلّگ ءُ ھاری انی مردماں ، چُشکہ زیباشھر ، گلشھر ، کُمب ءُ دگہ ھمساٹگیں ھند ءُ دمگانی مردمانی آسراتی ءِ سَوَب بیت . اے واجہ ءَ گیش کت کہ اے کار ءِ اولی گامگیج ءِ پد ، پہ بازے مردماں کار ءُ چلوپگانے درگیجگ بوتگ ءُ دیمتر ءَ ھم اے کار ءُ چلوپگاں گیشتر بنت . ھمے پڑ ءَ بانُک کیشکوری کہھند ءُ دمگ ءِ نندوکیں ڈکترے انت ءُ وتی بازیں بُنمالے ءَ اے کار ءِ سر ءَ ھرچ ءُ درچ کتگ گُوَشت کہ اے اُزمائشت جاہ ءِ جاگہ ءُ ھنکین چُش گچین بوتگ کہ درستیں ھند ءُ دمگ ءِ مردمان ءَ ، چہ دشتیاری ءَ بگر داں زرّاباد ءَ ، اد ءِ آیگ ءُ روگ ءِ دزرسی بہ بیت . نادراھیانی اے آسراتی بنجاہ ءِ اوزار ءُ سامان ، انیگیں دیما شتگیں ملکانی بروبر ءُ درور انت . اے بانک ماں وتی گپان ءِ دگہ بھرے ءَ گُوَشت کہ آئی ءِ نیکان نامیں اُزمائشت جاہ ءِ تہ ءَ بازیں کارانے چُشکہ " پاتولوژی " ، " بیوشیمی "،"سیتواوژی "،" ھموتولوژی "، " میکروبولوژی "،" ھورمونی " ءُ دگہ لھتے اُزمائشتانے گِرَگ بنت . پہ اے اُزمائشت جاہ ءِ اڈ کنگ ءَ گیش چہ ۵ ملیارد تومن ءِ زرّ بُنمال بندی بوتگ / رجانک : میرجلال

میارجل ءِ ھالکار ھمے نگیگی ءِ رند ءَ کپتگ ءُ زردیں موٹل ٹکسی انی کسہ ءُ گُشتانک ءِ آسری جاورھال ءَ درشان کنت .

دوا ءُ درمان نہ انت ، نادراھجانی تھت نہ انت ، کارکنوکاں چہ بازیں کارانی کنگ ءَ دم برتگ ءُ ژند انت . چوشین جاورھالے ءِ تہ ءَ ، اسلامی شورجاہ ءِ سلامتی ءُ جاندزاھی گل ءِ جھگیر ءَ چھبار ءِ مھتر علی نادراھجاہ ءَ آتک ءُ سرے جت ، اے نادراھجاہ ءِ وتی کارکنوکانی گوشگ ءُ گوھداری ءِ سر ءَ ، اد ءَ اگاں ۵ رشٹری زمین چندے تپاک بہ کپ ایت اے نادراھجاہ ءِ درستیں ماڑی مردمانی سر ءَ ھڑیا بیت .

واجہ ھلیل اھمد سلامی چھبار ءِ ھمکوپگی ، کار ءُ چاگردی آسراتی ءِ کارگس ءِ پاگواجہ ماں نند ءُ نیادے گوں میارجل ءِ بنجاھی ھالرسانی ءِ ھالکار ءَ چہ وتی کاری کارستاں ماں کمتر چہ یک سال ءِ وھد ءُ زمان ءَ کہ اے کارگس ءِ کارمستر انت گپ جت ءُ انچوش مردمانی لھتے جست ءُ پرسان ءَ پسّو دات . اے تامرھال ءِ چارگ ءَ رند ، شما را اے بارو ءَ گیشتریں سرپدی دست کپ ایت / رجانک : میرجلال

میان اُستمانی تپاکیں راجانی مزن بنجاہ ءِ دیمروی ءُ بَرَش ءِ مراگشانی جھگیر ، ھور گوں جاپان ءِ رَبّال ماں ایران زمین ءَ ، چہ چھبار ءِ بندن ءَ گِند ءُ گُزارے کت انت .

اسید ءُ باز ءِ نماھشی ءُ ندارگی گلّ ، چہ چھبار ءِ دمگ ءَ ، ماں مُلک ءِ درسی ءُ سبکی نماھش ءُ ندارگانی میلہ ءَ کہ میناب ءِ شھر ءِ تہ ءَ برجمدارگ بوت ، ماں گیش چہ ۶۰۰۰ کارستانی رد ءَ ، سرجمیں ملک ءِ تہ ءَ سیمی باج بروک بوت . گُوَشگ لوٹ ایت کہ ورناھاں، کسرا جاویدی ءُ محمد جمالی ھم چہ درھیں ازمگرانی درمیان ءَ گِھتریں ازمگر زانک بوت انت / رجانک : میرجلال 

اسید ءُ باز ءِ نماھشی ءُ ندارگی گلّ ، چہ چھبار ءِ دمگ ءَ ، ماں مُلک ءِ درسی ءُ سبکی نماھش ءُ ندارگانی میلہ ءَ کہ میناب ءِ شھر ءِ تہ ءَ برجمدارگ بوت ، ماں گیش چہ ۶۰۰۰ کارستانی رد ءَ ، سرجمیں ملک ءِ تہ ءَ سیمی باج بروک بوت . گُوَشگ لوٹ ایت کہ ورناھاں، کسرا جاویدی ءُ محمد جمالی ھم چہ درھیں ازمگرانی درمیان ءَ گِھتریں ازمگر زانک بوت انت / رجانک : میرجلال 

پُلّان ءِ شھر ءِ شھرداری ءِ کارگس گوں یک بلوچ زردار ءُ ھستومندیں مردمے ءِ ھوری ءُ ھمکوپگی ءَ اے شھر ءِ تہ ءَ یک نوکیں بازارے ٹھینتگ کہ اود ءَ ، گراز ءُ سامانانی نھاد ءِ کَچّ ، چہ شھر ءِ اے دگہ جاہ ءُ ڈکانانی نھاد کمتر ءُ ارزان تر انت ، پمیشکا بلوچستان ءِ اے دگہ شھران ءِ شھرداران ءَ زلورت انت کہ آ ھم انچوشیں کارے ءَ ( پہ وتی شھر ءِ مردماں ) بہ کن انت .

میارجل ، یک روچے ءِ ایوار ءُ رولھی دَرگتان ءَ ماں چھبار ءِ آزات بندن ءِ زرتیاب ءَ گوں گونڈیں ونوس ءَ ھور ءُ ھمراہ گوازینتگ دانکہ چہ ونوس ءِ چول سواری ءِ کارست ءَ ھال ءُ ترانے برجم بہ دار ایت . اے ھال ءُ تران ءِ رد ءَ گونڈیں ونوس ءِ ھاتر ءَ کہ بلوچ بانوکانی یک باج بروکے انت ، مئے گوم ءُ ھور ءُ ھمراہ بِہ بَہ ات .  گوشگ لوٹ ایت کہ اے گونڈیں بانوک گون وتی چاگرد ءُ ماھول ءِ کمّی اں ھور ، مرچاں توانتگ کہ بانوکانی چول سواری پڑ ءَ نامدپ بہ بیت ءُ وت ءَ را یک میان اُستمانی دروشمے ءِ داب ءَ پیش بہ دار ایت / رجانک : میرجلال

بالاچ ، مجازی جھدکار ، چھبار ءِ بندنانی کارگس ءِ یکّے چہ کارانی بارو ءَ ، پہ میارجل ءِ بنجاھی ھالرسانی ءَ نبشتانکے راہ داتگ کہ دیمتر ءَ شمئے چم ءُ دید ءِ دیم ءَ گُوَز ایت .

ترّ ءُ تابی کار ءُ باراں یک جَلّ ءُ جہ بنے ماں بلوچستان ءَ انت کہ آھانی سر ءَ گیشتریں چمشانکے لوٹ ایت . بلوچستان ءِ تیاب دپاں نے کہ ایران ءَ بلکیں دگنیا ءِ تہ ءَ بے مٹ ءُ بے درور انت .

ماں چوشیں جاورھالے ءَ کہ آزات شھدربرجاہ ءِ چکاس ءِ وھد ءُ درگت ءَ سر بوتگ ایں ، زراباد دمگ ءِ پردیس شھدربرجاہ ءِ گیش چہ ۴۰ وانوک ءُ دربروک انگت ءَ ( وتی وانگ ءِ ھاتر ءَ ) تکانسر انت .

چہ میارجل ءِ بنجاھی ھالرسانی ءِ ھالانی رد ءَ ; واجہ سئیدی ، چھبار ءِ جھگیر ، گوانکوانی مزن کارگس ءِ وزیر ءِ جاہ منند ءَ دشتیاری ءِ دمگ ءَ آؤرتگ داںکہ مردمانی مشکل ءُ جنجٹان ءَ پہ وتی چم دیست ءَ بہ گِند ایت . سئیدی ماں گپّ ءُ ترانے گوں میارجل ءِ ھالکار ءَ دَرّائینت ، ڈیھ ءُ مُلک ءِ بازیں زمہ وارے وتی سیٹ ءُ کرسی ان ءِ سر ءَ نشتگ ءُ چہ جاہ ءَ جوڑ نہ ورانت ءُ بس ، لَبز دے انت ، بلے چہ دگہ نیمگے اِلس ءُ راجمان چہ آھانی کارپداں چہ گوانکوانی بے دامگی ءِ ھاتر ءَ تکانسر انت . آئی ءَ گیش کت کہ مئے دمگ ءِ بازیں کلگ ءُ آپسرے گوانکوانی نزوری ءُ بے دامگی ءِ آماچ انت پمیشکا ما را امیت انت کہ اے مزن کارگس ءِ زمہ واراں ، وتی جھدان ءَ پہ راجمان ءِ مشکلانی کم کنگ ءَ ساڑی ءُ جاری بہ دار انت / رجانک : میرجلال

چھبار ءِ 540 تھتیں نادراھجاہ ءِ بنرد ءِ گِرَگ ، رند چہ 6 سال ءِ گوزگ ءَ ھم بنگیج نہ بوتگ ۔ اے نیامجی ءَ اینچو سالانی تہ ءَ بازینے چہ زمہ واراں آتک انت ءُ اد کنگ ءِ لبزش کت ءُ شت انت ءُ چَکّ اش نہ تَرّینت ۔

اے روچاں چھبار ءِ " مَکُّران " نامیں بَسانی اوشتجاہ ، موٹل بسانی نہ بیگ ءِ ھاتر ءَ ، چہ تکانسریں مساپراں سریچ انت ۔ اے اوشتجاہ چہ آسراتی ءِ بُنّکی چیرساچانی کَمّی ،: چوشکہ مساپرانی ودارجاہ ءِ گونڈی ءُ دیمشودانی ناھودگی ءَ ھم نگیگ انت ۔

دگہ رندے میارجل ءِ اھوالکار ، چھبار ءِ دراجیں سرپانی کَتار نیمگ ءَ شُتگ ، چوشیں سرپ ءُ کِشکانی دراجی بلوچستان ءِ بازیں دمگانی تہ ءَ ھست انت ءُ اے جنجٹ ءِ منانک پہ ھرچ زِمَہ واریں مردمے ءَ پَدَّر انت ۔

کانچی کُڈّلانی ماھینی نھاد ءِ اناگتیں گیش بیگ ، دکاندارانی واہ ءُ زاری ءَ چِست کتگ ۔ آھان مان نند ءُ نیادے گون میارجل ءِ اھوالکار ءَ چہ اے نھاد ءِ دو سر بیگ ءَ گِلَگ کتگ ءُ اِشی ءِ منانک ءَ لھتے ڈلّارانی پاد ءِ نیام آیگ ءَ زان انت ۔