مریم یادگاری بلوچانی نوک دربریں نبشتہ کارے کہ پہ بلوچی زبان ءُ لبزانک ءَ پٹ ءُ پول ئِے کتگ ءُ انی لھتیں دانک ماں دست ءَ ھست اَنت ئِے کہ میارجل ءِ جنین ءُ بانکانی ھالکاری ٹول ءِ داوت ءَ ماں بمپور ءَ میارجل ءِ کارگس ءَ شُتگ .

بانک پاتمہ نرماشیری ءَ گوں یک کارجاھے ءِ جنگ ءَ انی ماں بمپور ءَ پہ سی ءُ نھ بانک ءَ کار جوڑ کنگ ءِ سوب بوتگ ; میارجل ءِ جنین ءُ بانکانی ھالکاری ءِ ٹول ءَ سرے ماں آئی ءِ کارجاہ ءَ جتگ.

پروانگ جنگی زھی کہ گوں وتی اگر تو نمی آمدی کتاب ءَ انی سان مندیں نامے ءِ واھُند اِنت ءُ میارجل ءِ کارگس ءَ آتک ءُ میارجل ءِ جنین ءُ بانکانی ھالکاری ٹول ءَ گوں گپ ءُ رپ ئِے کُت.

الهام بمپوری ده سالگی ءِ نزیک ءَ اِنت که یک دمگے ءِ دهیاری ءِ زمه دارے: میارجل ءِ هالکار ءَ هما میتگ ءَ سپر کتگ ءُ گوں آئی ءَ ءُ آئی ءِ مردمانی گپ ءُ رپانی پتر ءَ نشتگ .

بلوچ جنینانی دستی ساچکارانی پیش کنگ ماں یک زانش بُنیادیں سَیل جاھے ءَ، ھاسیں موھے جوڑئِے کُرتگ کہ دستی ساچکار سازیں بانُک پہ برندساچی ءُ وتی اَرزشمندیں دستی ساچکارانی گھتر پیش کنگ ءُ دیم ءَ آرگ ءَ گیشتر پگر بکن اَنت.

مزنیں پھرہ ءِ آبریچ ءِ جھگیر ءَ ماں اِیران ءِ اسلامی راجگس ءَ گْوشت ; دِگری ءُ ڈالچاریوں پہ بانکاں نیست اِنت ءُ مدام آیانی ساڑی بوگ ءَ کَڈّن کُتگ ءُ ھمے انی سے بانک کہ دو بکشدار ءُ یک شھردارے ماں منی گِچینکاری ءِ آبریچ ءَ جھد ءَ اَنت ۔

میارجل ءِ ھالرسانی بنجاہ ءِ بانکانی ھالرسانی ءِ ٹول ءَ وتی تر ءُ مانتریں هال گری ءُ گپ ءُ رپ که گوں بلوچستان ءِ کارنده ءُ سان مندیں بانکانی گور ءَ رو اَنت که اِے چکر ءَ لچه کاریں بانک گزل بانو ملک زاده ءِ پلیں پتر ءَ شتگ اَنت که کتابے وتی زندمان ءِ جهل ءُ برزیانی بارو ءَ نبشتگ ئِے که کتاب ءِ نام "دختری از جنس تنش" اِنت ۔

بانک مہ بی بی درھش بلوچانی وانِینوکیں بانُکے کہ گوں کتاب ءِ شنگ کنگ ءُ کتاب وانی ءِ نیت ءَ ھر روچ پہ کتاب ءِ پتر ءَ پہ کتاب وانیں واھگ دارانی واست ءَ پَچ کتگ ءُ کنان اِنت ، میارجل ءِ ھالرسانی بنجاہ ءِ بانکانی ھالکاری ءِ ٹول ءَ گوں اِے بانک ءَ گلگدارے گپتگ کہ شمئے چم ءُ دیدگانی دیم ءَ گْوز اِیت ۔

دستی ساچکاری ءِ بلوچ جھدکار ءَ چہ کَلک ءِ گْوستانکی ءُ کوھنیں میتگ ءَ چہ کسرکند ءِ آبریچ ءَ، چہ واکدارانی نیمگ ءَ پشتیبانی ءِ لوٹ کنان ءَ گُشت : دودمانی میراسانی پشتیبانی ءُ دلگوش دیگ بایداِنت چہ گیش ءَ گیشتر بہ بیت، اگاں ناں اِے ھنر بے تْرانگ کنگ بیت.

کنرک ءِ جاہ بنندیں زالبول کہ دستی ھنر (صنایع دستی )ءِ کارانی تھا پہ سوبین بیگ ءَ بازیں تاب ءُ پیچیں راہ ئِے گوازینتگ اَنت ءُ پہ اے سوبین بیگ ءَ ءُ پہ اے وش بھتی ءَ وتی مات ءَ چو کہ یک ڈیکی یے ءُ ستونے یاد کنت ءُ گوش اِیت :من گوں بلوچ جنینانی وانینگ ءُ رھشونی ءَ لوٹاں کہ بلوچ زالبول وتی بھت ءُ کسمت ءَ پہ وتی جرند ءِ دستاں بزیراَنت ۔

بانک پریزاد سجادی ءَ اِے لیکہ ھست کہ بلوچ بانک وتی ھاٹیگ مندی ءُ تاکت ءَ ماں وڑ وڑیں پِڑ ءُ میدان ءَ ربیدگی ، مچانکی ، اِزمی کاراں بلکیں وتی سیاسی سِنچ ءُ بودناکیاں پَدّر کُت کن اَنت ، میارجل ءِ بلوچ بانکانی ھالکاری ءِ بنجاہ ءَ گوں آئی ءَ گلگدارے گپتگ کہ شمئے چم ءُ دیدگانی دیم ءَ گْوز اِیت ۔

میارجل ءِ بانکانی ھالکاری ءِ ٹولی پہ گپ ءُ ترانے ءَ گوں بلوچستان ءِ زانتکار ءُ جھدکار ءُ سان دیوکیں بانکانی گور شتگ اَنت دانکہ پہ اِزمکار ءُ بُت کشیں بانک پاتمہ بارکزھی ءَ گلگدارے بہ گر اَنت ۔

بانک سمیہ میھن واہ کہ جھدکاریں بانکے ماں ربیدگی ءُ کتابداری ءِ پِڑ ءَ کہ چہ پلان ءِ آبریچ ءَ ماں چھبار ءِ شھر ءَ گوں وت باوری ءَ مَنّ اِت ئِے کہ ایران ءِ کتابداری ءِ پِڑ ءَ گھتریں کتابدارے ءِ داد ءَ گِپت کن ئے

مریم رئیسی ءَ کہ دہ سال ئِے بیت ماں گھ ءِ ادارہ آموزش ءُ پرورش ءَ وانینگ اِنت ءُ اِے لیکہ ئِے ھست کہ : بلوچ بانکانی دیم روی ءِ راہ سک باز گھتر بوتگ ءُ اِیشی ءِ گھتر بیگ ءِ واست ءَ گیشتر پگر مند بہ بئیں دانکہ انگت دیم ءَ جاور ھال گھتر ءُ وش تر بہ بنت ۔

مریم بھار ایوکیں بلوچ بانک اِنت کہ ماں تلویزیون ءَ پہ یک جارچینے ءِ جاہ ءُ بستار ءَ ساڑی بوتگ ءُ اِے پڑ ءَ سُنت پروشی کتگ ئِے ۔ میارجل ءِ ھالرسانی بنجاہ ءِ جنین ءُ بانکانی ٹول ءِ ھالکار ءَ گوں آئی ءَ گلگدارے گپتگ کہ شمئے چم ءُ دیدگانی دیم ءَ گْوز اِیت ۔

بانک پریسا ایرندگانی کہ ھالکار ءُ روتاک کار ءُ ربیدگی ءُ مچانکی پڑ ءِ بانکے کہ گوشگ اِنت : ھرچنت بانکانی آیگ ءُ ساڑی بیگ ماں چاگرد ءَ امیت وار کنگ اِنت بلے انگت ھم کم اَنت ءُ گیشتر ایشانی ءُ ساڑی بیگ ءُ ءِ امیت ءَ کش اِیں کہ اِے بھر زیری اِش پر زور تر بہ بیت ۔

جنین ءُ بانکانی ھالکاری ٹول ءِ ھالکار چہ میارجل ءِ رسانکدر ءِ بنجاھی ھال ءِ نیمگ ءَ وتی گپ ءُ رپانی دیم ءَ برگ ءَ گوں سان مند ءُ پھتو ءُ زانتکاریں بانکانی پتر ءَ روان اِنت کہ اِے بری کلمکاریں بانک مھلا جوادی ءِ پلیں پتر ءَ شتگ کہ ھمے درگتاں وتی گدار ءِ آسری چِن ءُ لانچ ءَ اِنت کہ نام ئِے "بلوچستان ءِ بانک" اِنت ۔

سمیہ میھن واہ پلان ءِ شھر ءِ کتابجاہ ءِ کتابدار اِنت کہ گوں وتی ھمّت ءُ جھد ءَ 400 باسک ئِے پہ وتی کتابجاہ ءِ واست ءَ مُچ ئِے کتگ : اِے لیکہ ءُ دیدانک ئِے ھست اِنت کہ بلوچ جنکاں کم تر واھگ ءُ لوٹ ھست اِنت ءُ آیانی ساڑی بیگ ماں مچانک ءُ چاگرد ءَ چو کہ آیانی کدرت ءُ ھاٹیگ اِنت گندگ نہ بیگ اَنت ءُ ان شا ء اللہ کہ دیم تر ءَ ھرکجا گون بہ کپ اَنت ءُ بھر بہ زیر اَنت ءُ ودی بہ بنت ۔