چہ میارجل بنجاھی ھالرسانی ءِ ھالانی رد ءَ ; واجہ مُدرّس ھیابانی سیستان ءُ بلوچستان ءِ سَرکماش ءُ اُستاندار ماں نند ءُ نیادے گوں میارجل ءِ اِھوالکار ءَ گَپّ کُت ، چہ دولت ءُ سرکار ءِ ھاسیں ھَپتگ ءِ نیمون ءَ ،  ماھیگیری ( شیلات ) ءُ بندن ءِ کارگسانی کارمسترانی جِھد ءِ ھاتر ءَ مرچی ما یک پلوگری بوجیگے ءَ گوں یک ھزار ٹون جَلّ ءُ کُجال ءَ راہ پِرِّینتگ ءُ گُوَھدارین کہ اے بوجیگ ءَ توانت دور سریں زِر ءُ ساوڑانی نیمگ ءَ سات ءُ سَپَر بہ کنت ءُ اے پڑ ءَ توان ایں کہ چہ پاکیں اللہ ءِ داد ءُ نیامتاں ماں زِر ءُ ساوڑانی  تہ ءَ پہ گِھتریں ڈولے ءَ سوب بہ گِرین ءُ مُلکی ءُ سیمسری جھمنندین مید ءُ ماھیگراں ھم ، چہ سید ءُ ماھیگری ءِ  کار ءُ باراں بھر بہ گِر انت ۔
واجہ اُستاندار ءَ گیش کُت ، لھتے دِگِہ کار ءُ بار چُشکہ 6 کیلومٹری راہ ءُ دَگے ءِ اڈ کنگ ، تَلَگیں آپانی جم کنگ ءُ نزّارگ ءُ بَرگ ءُ گُروک ءِ کارگس ءُ بُنجاھان ءِ راہ پِرِِّینگ ءَ کہ پہ چھبار ءِ بَندن ءِ برگ ءُ گُروک ءِ ھاتر ءَ اَزگار اِنت ءُ  لھتے دگہ امبار ماں ھند ءُ دمگ ءَ انت ءُ گوں یک برگی دو مگاواٹی کُجال ءِ  واک ءِ بُنجاھے ءِ بَدَل ءُ گیش  کنگ پہ 6 مگاواتی ھاٹیگ ءِ رد ءَ ، اے برگی بنجاہ چہ شھر ءِ آ دگہ کارگساں جتا ءُ گستا بیگ ءِ ھاتر ءَ ، شھر ءِ برگی ءِ بنجاھان ءَ ھم کمک ءُ مدتے  کنگ بیت ۔
واجہ استاندار ءَ وتی گپان ءِ آھر سر ءَ درّائینت  چہ اے گِند ءُ گُزار ءِ رد ءَ ، چھبار ءِ کَش ءُ   گوری کلگان ءِ جھمنندیں مردماں چُشکہ پُلّان ، پیر سھراب ءَ ،  کساس 16000 لوگمان ءِ چہ برگ ءُ گروک ءِ آسراتیاں بھرگر بوتگ ءُ پہ اے بارو ءَ کساس 16000 ملیارد تومن ءُ  10000 ترانس پہ اے کاران ھرچ ءُ درچ کنگ بوتگ انت / رجانک : میر جلال ۔