ساسان پرکان ، چھباری جمناسٹک والا ، رند چہ وتی شرّ یں کارست ءِ پیش دارگ ءَ ماں ، نوکیں دور ( عصر جدید ) ءِ مراگش ءَ ، اے لیب ءُ گوازی ءِ نوکامد یں نوک ورناھانی شوھازگ ءَ انت .

چہ میارجل بنجاھی ھالرسانی ءِ ھالانی رد ءَ ; ساسان پرکان ، چھباری لیب کنوکیں ورنا ، ماں جمناسٹک ءِ لیب ءُ گوازی ءَ کہ گوستگیں سالانی تہ ءَ گوں وتی جھد ءُ ساہ ءَ توانتگ کہ وت ءَ داں نوکیں دور ( عصر جدید ) ءِ مراگش ءَ سر بکنت ، انّی ءَ ھند ءُ دمگ ءِ اوبادگان ءَ اے پڑ ءَ سرپدی دیگ ءَ انت . 
پرکان ءَ اے وڑ ءَ درّائینت کہ رند چہ وتی زاھر بیگ ماں نوکیں دور ( عصر جدید ) ءِ مراگش ءِ اود ءِ کتہ کاری اں کہ من اے راہ ءَ کٹّ کتگ انت ءُ منی چھبار ءِ واترّی ءَ پد ، جزم اں کہ وتی ھُدامرزی ایں ٱستاد ءِ راہ ءِ رندگیری ءِ رد ءَ ، دیم ءَ بہ جنز ان ءُ چہ اے لیب ءُ ازم ءِ رپک ءُ راھاں ، دمگ ءِ اوبادگان ءَ سرپدی بہ دیاں .
آئی ءَ (  ساسان ) گُوَشت : چہ درھیں دلدوست ایں مردماں کہ داں انّی ءَ من ءَ مدتّ ءُ ھمکوپگی داتگ اش پورہ ایں ھسابے ءَ منتوار ان ءُ امیت کشّ اں کہ گوں ھند ءُ دمگ ءِ زمہ وارانی پلّوگری ءِ برورد ءَ ، شھر ءِ جمناسٹک لوگ جاہ ءَ اڈ ءُ اے راہ ءَ ٹوھیں گامے چِست بہ کن ایں / رجانک : میرجلال