چہ میارجل ءِ رسانکدر ءِ بُنجاھی ھال ءِ نیمگ ءَ : اَے ھدا لھتیں چہ شھر ءِ شورا ءِ نشتگیں مردمانی واست ءَ وابوں دیستگ کہ تو وت ھیرے بیار : یکے کہ آئی ءِ نام ءِ بِنداتی آب "م" اِنت ءُ چہ وتی پِت ءِ نیمگ ءَ نندائینگ بوتگ ءُ نام نبیسی ئِے کتگ ، شک ءُ گمان باز اِنت کہ اوٹ مہ یار اِیت ، مئے واب ءَ چپگان بہ کن دانکہ اِے پلیں واجکار اوٹ بیار اَنت چشکہ ورنا اَنت ءُ ھزار واھگ اِش ماں دل ءَ ھست اَنت اِش ۔

اَے ھدا ھما نندوک کہ راجگس ءِ گچینکاریاں نشتگ ءُ گچین نہ بوتگ اَنت ءُ لوٹ اَنت شھر ءِ گچینکاریاں وتی بھت ءَ بہ چکّاس اَنت ءُ آیاں ببکش دانکہ وتی راج ءِ مدت ءُ کمک ءَ بہ کَٹّ اَنت ءُ گِچین بہ بنت ۔ 

اَے ھدا ھر یک کاندیدا ءِ پامیل کہ بلوچ اِنت چہ چمان اِش زاھر اِنت کہ لوٹ اَنت جھد ءُ ھزمت بہ کن اَنت ، آیا سوبمند ءُ سوبین بہ کن ۔

اَے ھدا لائک ءُ ھزمتکاریں ("سئید"مسئود") ورنایاں اَبید چہ ھرچ وڑیں اڑ ءُ جنجالاں وشبھت ءُ نیکبھت بہ کن اِے مئے مچانک ءُ چاگرد ءِ مال ءُ مڈی اَنت -

اَے ھدا مہ ترس ءُ ھک گوش ءُ بھادریں کاندیداں چشکہ نام اِش ھم اَبدُل ھَک اِنت سوبین ءُ سوب مند بہ کن ۔

اَے ھدا لھتیں کاندیداں کہ ھرچ وڑ ءَ رد کنگ ءِ گمان اِش ھست اِنت آیاں پہ چاگرد ءِ مُچانک ءَ واترّین اش ءُ مجتی وڑ ءَ چھبار ءِ زرباری ءُ بندنی شھر ءِ مردمانی پُشت ءُ پناہ اِش بہ کن ۔