چَہ میارجل ءِ رسانکدر ءِ بُنجاھی ھال ءِ نیمگ ءَ : سمیہ میھن واہ پلان ءِ شھر ءِ وت لوٹین ءُ واھگ مندیں کتابدارے کہ گوں وتی ھمت ءُ جھد ءَ چار سال ءِ توک ءَ 1500 کتاب پہ وتی کتابجاہ ءِ واست ءَ چہ ھیر واہ ءُ دوزواھانی نیمگ ءَ گپتگ ءُ مُچّ ئِے کتگ ۔
آئی ءَ ھمے وڑ ءَ چہ ھیر واھانی نیمگ ءَ اے کتابجاہ جوڑ ءُ تیار کتگ ، 400 باسک پہ کتابجاہ ءِ واست ءَ مُچ ئِے کتگ ۔ بانک سمیہ میھن واہ ناں ایوک ءَ ماں کتاب ءُ کتابوانی ءِ پِڑ ءُ میدان ءَ چُکانی دست ءِ گروک بیتگ بلکیں ماں گردشگری ءُ ترّ ءُ گرد ءِ میدان ءَ ھم جھد ئِے کتگ ءُ ھست اَنت ئِے ءُ گوں بوم گردی ءِ جوڑ کنگ ءَ ماں پلان ءِ شھر ءَ چہ جھانگول ءُ مساپر ءُ گردشگراں واسِیداری ءُ مھمان داری کنت اِنت ۔
آ یک وانینوک اِنت ءُ اِے بارہ ءَ گوشگ اِنت :" گوں ھب ءُ واھگ داری یے کہ من ءَ بوتگ ءُ چہ لوگمان ءُ کھول ءِ مردمانی کمک ءُ مدت ءَ من توان اِتگ کہ پہ چاگرد ءَ شرین ءُ سان مندیں گام چِست بہ کناں ، وانینگ چکانی گور ءَ ءُ کتابوانی ءِ چِست ءُ اِیر ءُ چُکانکی نکش ءُ نگار ءِ کشگ ءُ آیانی سوج دیگ ءُ یات گرگ من ءَ ھاٹیگ مند ءُ زور ءُ تاکت دیگ اِنت ءُ من چہ وتی کار ءَ شات ءُ گل بیگ آن ءُ من ءَ باز مَزّہ رسگ اِنت ۔
آئی ءَ تران کنان کت : وتی جھد گیشتر ءُ تالان کنان کتگ داں جاھے کہ منی دست رس اِتگ دستوں پہ ملک ءُ چاگرد ءِ دیمروی ءِ واست ءَ نہ داشتگ ءُ انی ھم گوں سرجمیں دوست ءُ دزگوھاراں چہ ھرچ کنڈ ءُ کشور ءَ جاہ پہ جاہ ءُ ملک پہ ملک ءَ رھوت کنگ ءُ رھوت کنگ آں دانکہ پہ چک ءُ جنکانی سوج دیگ ءُ وانینگ ءِ ھاتر ءَ ھاسکار جنکانی واست ءَ گوں وتی دل ءِ ھب ءُ واھگ ءُ میل ءَ اِد ءَ پہ سر ءُ سوج ءُ وانینگ ءَ کشگ آن ءُ کارگ آن اِش ءُ ھمے وڑ ءَ چکانی زانت ءُ زانگ گیش بیان بیگ اِنت۔
.png)
