چہ میارجل ءِ رسانکدری بُنجاھی ھال ءَ : واجہ مھمد جواد سادکی کہ کوھنیں کسمانک نبیس ءُ پھتوئیں ھالکارے زانگ بیت ،اِے ڈول ءَ نبشت ئِے : پیشگیں روچ ءَ لھتیں مُرید یک شیھے ءِ پُلیں پَتّر ءَ شُت اَنت ءُ داشت اِش ءُ گَپّ اِے وڑ ءَ درانگاز اِش کُت :واجھیں شیھ تو بہ گْوش کہ بکش پلان ءِ کِسّو ءِ بَندیکّ ءِ سَر ماں ایران ءِ اسلامی جُنز ءِ توک ءَ ماں پرھنگ ءُ ارشاد ءِ پِڑ ءُ میدان ءَ کہ ھر گور ءَ آئی ءِ شاھگانیں پرزونک شِنگ ءُ تالان ءُ بھر ءُ ونڈ ءُ داد ءُ دے اِش ءُ ڈاٹاری اِنت ، پَھک گار اِنت ۔
اِے توک ءُ تَلاں پُلّان ءِ جاگہ چتور گندگ بیگ اِنت ؟
شیھ ءَ درّائینت : واجھاں چتورکانی ؟
مُریداں گْوشت : ما چہ دشتیاری ءِ شھرستان ءَ کہ کنّوانی وھد ءَ گوں ماں ھور ءُ ھمراہ اَت گِیشّ اِت ءُ جُتا بوت اِیں ، تلانگ وَ پیسر ءَ کسرکند ءَ دات اِش کہ کسرکند شھرے جوڑ بیت ءُ پیر سھراب ھم گوں چھبار ءَ گون اِنت ءُ چھبار ءِ ادارہ پرھنگ ءُ ارشاد ھم مُدیر کل جوڑ بیتگ ءُ بلے مئے مدیر کلّ ءِ بندیک ءِ سر گار اِنت ءُ پھکاں ھیران کُتگ تو بہ گْوش کہ ما چے بہ کن اِیں ؟
شیھ یکبرے جُھلیں ھیالانی توک ءَ بُڈّ اِت ءُ گار بیت ءُ کمّکے ءَ رَند گْوشت ئِے :
پشت کپتگیں راہ پہ شما ھمیش اِنت کہ سید زھورشاہ ھاشمی ءِ مانش ءِ سرینّ ءَ ماں کراچی ءَ ءُ جی آر ملا ءِ کبر ءِ شکّ ءَ ماں جیونی ءَ وت ءَ ندریگ ءُ ھمود ءَ پریات ءُ زاری بہ کن اِت گڑا بلکیں پہ شما راہ ءُ درے پَچ بیت ءُ سرجمیں گرانیں مشکل ءُ کار ارزان ءُ توجیل بنت ءُ شما گوادر ءِ پرھنگ ءُ ارشاد ءِ وزیر ءِ دست ءِ چیر ءَ رو اِت کہ ھاوند بلوچی ءِ ھاٹیگ مَندیں رجانکار واجہ میرجان میر ءَ کہ میار جل ءِ رسانکدر ءِ توک ءَ ھم چہ دیر ءُ دراج دست ئِے ھَست اِنت کہ ان شا ء اللہ پرھنگ ءُ ارشاد ءِ مزن کارمستر گِچین بیت ءُ شما جُتا کنگ بئت ، مرید اِے گپانی اِشکنگ ءَ وش ھال بیت اَنت ءُ گوشت اِش : او شیھ دگہ جُستے !
مُدتے پیش مئے شھردار ءَ آمریکن ءِ گِچین کاریانی دَم ءُ درگَت ءَ مدام پہ تْرامپولی کنوکیں تْرامپ ءَ پِٹّ ءُ نالت ئِے کُت ءُ ترامپ ءِ پروش ورگ ءِ ھاتر ءَ ماں گِچین کاریاں پَزّوریں گوکے مَنّ اِت ءُ کول ئِے کُت بلے بیا کہ اَنّی ترامپ ءِ دل ءِ آہ ءُ اُپکارگ ءُ پِریات ءُ نالگاں گِپتگ ءُ آ چہ شھرداری ءِ سَندلی ءَ اِیر گیتک اِش اِیشی ءِ ھمے داستان ءِ ھال ءُ اِھوال چے بیت ؟
شیھ ءَ گْوشت : اِے وَ مونجان بیگی گپّے نہ اِنت کہ شما وتی دل ءَ ورگ اِت ، دوشی من واب دیستگ یک مُلکی شھردارے چہ سرھد ءِ آبند ءُ آبریچاں ، ءُ چہ دُزّاپ ءِ شاھگانیں شھر ءَ پہ شما اِیر کپ اِیت ءُ نازل بیت ۔
.png)
