چہ میارجل ءِ ھالرسانی بنجاہ ءِ ھالانی رِد ءَ : واجہ کمال بلوچ کہ ملک ءِ راست کار ءُ نام آوریں مردمے بوتگ ءُ گوستگیں سالانی توک ءَ بلوچ راج ءِ ٹکانی میانجی ءَ پہ جِیڑگانی توسِینگ ءَ مزنیں جھد ئِے کتگ دانکہ ھم سَنتّی ءِ پَتّر تالان بہ بیت.

دادشاہ کہ اِسپیت کوہ ءِ گَٹ ءُ گَراں ماں لاشار ءِ آبند ءَ یکے چہ زمین دار ءُ کِشتکاراں بوتگ کہ پھلوی ءُ ایران ءِ بُنجاھی ھکومت ءِ زلم ءُ زوراکیانی دیم ءَ میلانک بیت ءُ بلوچ ءُ بلوچستان ءِ ھَکانی پَد جنی ءَ جنگ ءِ پِڑ ءُ میدان ءَ گِچین کنت ۔

دادشاہ چہ ھما بامرداں بوتگ کہ ھچبر ڈنیگاں بلوچستان ءِ ھاک ءِ لگَتمالی ءُ آدْروھی ءِ اِجازت ءَ نہ دنت  ءُ گوں بلوچستان ءِ بدواھانی دیم ءَ سرکَشی ءُ جنگ ءُ جَگڑ کنت ۔
کمال ءِ بھادُرّیں پِت دادشاہ ءُ گوں وتی تَنگوئیں برات ءَ پھلوی ءِ بِیمّ ءُ زراب ءُ آئی ءِ ھم کاسگیں بریتانیا ءُ آمریکن ءِ دیم ءَ چو پُشنزاں در آتکگ اَنت ءُ آیانی بازیں کاسَگ چَٹّ ءُ کاردار کہ  پہ اِے سرڈگار ءُ سرزمین ءَ بدیں واھگ ءُ ردیں ھیال اِش بوتگ مردار اِش کتگ اَنت ۔

میارجل ءِ ھالرسانی بنجاہ اِے نہ سگگوکیں درد ءَ نمیرانیں کمال بلوچ ءِ لوگمان ءَ ءُ سرجمیں بلوچ راج ءَ  دلپدری درشان کنت ۔

رجانک : جاڑو بلوچ