میارجل ءِ رسانکدر ءِ بُنجاھی ھال ءِ نیمگ ءَ ، چھبار ءِ بلکانی بازار جاھی یے کہ درستیں چیز دست کپ اِیت : چھبار ءَ وڑ وڑیں سوگات ءُ ٹیکی ھست اِنت کہ یکے چہ آیاں بِزار ءُ مسالو اَنت کہ وھدے تر ءُ تابیں مردم لوٹ اَنت وتی ملک ءَ واتر کن اَنت گڑا پہ ٹیکی بزار گر اَنت ءُ بر اَنت کہ وش ءُ تاموکیں ورگ جوڑ کن اَنت۔
بلوچی دست دوچیں گد مساپر ءُ گولوکانی لیکہ ءَ وتی نیمگ ءَ کَشّ اَنت کہ بازیں اِزمکاریں بانک وھدے کہ چھبار ءَ کاینت زیر اَنت اِش ، پہ دست دوچیں گُدانی گرانیانی سوب ءَ ماشینی دوچ ارزان تر اَنت کہ زیر اَنت اِش ءُ بلکانی بازار ءَ بازیں گد ءُ دوچانی دکان ھست اَنت ءُ بلوچستان ءِ دست گواپ اولی سْرپ ءَ شُمار بنت ۔
ماں اِے ھال ءِ تہ ءَ من جھد کتگ کہ سیت مندیں ھالے پہ شما پیش بہ کن اِیں ءُ امیت وار اِیں کہ شما وت بازار ءَ سرے بہ جن اِت ءُ چہ نزیک ءَ چھبار ءِ کوھنیں بازار ءَ کہ آئی ءِ دل ءِ توک ءَ اِنت ، مکران ءَ سات ءُ سپر بہ کن اِت.
.png)
