دڑامب ءِ تہ ءَ چشیں بازیں کُمب ھست انت چشکہ نلیاں کُمب ،سور آپ کمب گاجیان کُمب ، جنکانی گَٹ ،منشی یے کمب ، زیارت ءِ کُمب،امیر ءِ کُمب گُرانڈانی شیپ ووو چشیں بازیں جاگہ ھست انت کہ آپ دار انت.

میارجل ءِ ھالرسانی بنجاہ ءِ ھالانی رِد ءَ : ماتیں سرڈگار ماں زیبائی ءُ براھداری ءَ وتی مٹ وت انت ھر ندارگ ھر جاگہ وش ءُ دلکش انت سرڈگار ءِ کوہ ءُ کوچگ میدان ءُ ڈن تیاب ءُ زر ءُ سارتیں سمین زند ءَ را یک جتاھیں تاھیرے بکش اَنت اے کمب ءِ بُت چہ رسانکدر ءَ دست، کپتگ بلے بڈّوک ءِ کمب ءِ سر ءَ اولی رند ءَ من 2005 ءَ گوں سنگتاں پیکنک ءَ شتاں گڑا اے کمب من اولی رند ءَ  دیست من ءَ ھمے سما بیت کہ بھشتیں بلوچستان ءِ ھر دمگ ءَ چشیں کمب ھست انت بڈوک ءِ آپ ریچ چہ مات بندیں دڑامب ءَ چہ کاینت ءُ بُدّوک کہ چکار بیت گڑا اے دگہ آپ دیم پہ سُربندن ءِ کور ءَ ملان بنت ءُ دیم ءَ تیاب ءَ بُدّوک ءِ کمب ءَ چہ بُرز بگانی ءِ کمب ءُ بُرز تر ءَ مات بندیں دڑامب ءِ کوہ انت دڑامب ءِ تہ ءَ چشیں بازیں کُمب ھست انت چشکہ نلیاں کُمب ،سور آپ کمب گاجیان کُمب ، جنکانی گَٹ ،منشی یے کمب ، زیارت ءِ کُمب،امیر ءِ کُمب گُرانڈانی شیپ ووو چشیں بازیں جاگہ ھست انت کہ آپ دار انت ، بازیں مُدّت ءُ وھداں ایشانی آپ ھمے وڑ ءَ ھست انت بُڈّوک ءِ کمب ءِ زیبائی بنی آدم ءَ را یک جتاھیں دنیایے ءَ بارت گُم کنت. اے بلوچستان تئی کوھاں پراموش نہ بنت۔
اَبداللہ میر