چہ میارجل ءِ رسانکدر ءِ بُنجاھی ھال ءِ رسانکدری ٹول ءِ نیمگ ءَ : 1400 ءِ سال ءِ بِنداتی روچاں کہ واجہ مئین الدین سئیدی چھبار ءُ گھ ءُ گنداوگ ءُ کنرک ءُ دشتیاری ءِ جھگیر ءِ چار ءُ گزار ءِ ھور گوں مھرالہ رکشانی وزیر ءِ کمک کارمستر ءُ نوک جوڑ کنوکیں سازمان ءِ کارمستر ءُ مُلک ءِ وانگ جاھانی دیم ءَ بروک ءُ تیار کنوک ، استاندار ءِ کمک کارمستر ءُ چھبار ءِ ھاسیں والی ءُ پرماندار ءُ شورا اداری ءِ ءُ درستیں باسکانی ھمراھی ءَ چہ شھر ءِ کِرّ ءُ کَنک نندانی ءُ مراد آباد ءِ راہ ءُ دگانی پَچ کنگ ءُ جوڑ کنگ ءِ وڑ ءُ پَیم اش چار ءُ گزار اِش کُتگ کہ بنداتی سال گوں ھمیشانی سات ءُ سپراں ھمدپ اِت اَنت۔
ماں اِے گند ءُ گدار ءَ مراد آباد ءِ راہ ءِ بُن بُنی جوڑ کنگ ءُ پچ کنگ ءِ چار ءُ گزار اِش کت کہ داں کجام اندازگ ءَ ماں کسانیں مدتے ءَ دیمروی کتگ ءُ داں چینچک ءَ دیم ءَ شُتگ اَنت ۔مئین الدین سئیدی ءَ چار ءُ گزار کنوکے ءِ جاہ ءُ بستار ءَ کسانیں گپ ءُ تران ئِے کتگ کہ ماں تامر ءِ توک ءَ چہ شمئے دیم ءَ گوز اَنت ۔
.png)
