ماں میارجل ءِ تامر ھال ءِ گپ ءُ رپی دومی بھر ءَ چہ باھو کلات ءِ بکش ءُ دشتیاری ءِ شھرستان ءَ گوں ملک دینار شجرہ ءَ کہ گانڈوانی مزنیں پِت شمار ءُ زانگ بیت ءُ باھو ءِ سِنچ والائیں گوازی کنوکاں گوں ھم گپ ءُ رپ کُتگ ۔

چہ میارجل ءِ رسانکدر ءِ بُنجاھی ھال ءِ پد ءَ : چہ دود ءُ ربیدگ ءُ کشت ءُ کِشار ءَ بہ گر ءُ دانکہ باھوکلات ءِ تر ءُ گرد ءُ گردشگری ءُ کشت ءُ کشار ءِ بودناکیں بُنجاہ ءُ دشتیاری ءِ شھرستان ءِ تر ءُ تابی سیل جاھے زانگ بیت ۔

باھو کلات ءِ بکش کشاورزی ءِ باندات ءَ کوھنین ءُ دیریگیں جاھے زانگ بیت ءُ گیشتریں مردمانی دَندہ ءُ روزگار کشاورزی اِنت ، باھوکلات ءِ گردشگری ءُ گانڈوانی ورگ دیگ چہ ملک دینار ءِ سوب ءَ اِے آبریچ ءِ لس ءُ ھاس مھلوک ءِ گوشاں سَر بوتگ ءُ چاریں کنڈاں اِے توار پْرشتگ کہ چہ وتی کیسگ ءَ پہ گانڈوانی ساٹگ ءُ زندمان ءِ رکینگ ءَ پہ آیاں ورگ شوھاز کنت ۔