ھالکاری میارجل ءِ رَسانکدری بنجاہ ءِ گشگ ءَ ساھب ھان زھی یکے چہ دشتیاری ءِ کاری ئیں ورنایاں ھشر ءُ مدتے ءِ جار جتگ، کہ پہ دشتیاری ءِ نودربراں وانگی ءُ کمک وانگی کتاب مُچّ کنگ بہ بیت. ساھب ھان زھی گوش ایت: یکے اچ اے ھشر ءُ مدت ءِ جار جنگ ءِ مول ءُ مراد کتاب ءُ کتاب وانی ءِ دود ءِ دیمروی بوتگ.
آئی ءَ گوشت: ماں اے جار ءِ اولیں درگت ءَ دربرجاھی ءُ کنکوری کتاب جم کنگ بوتگ کہ کتابجاہ ءُ کنکوری بنجاھاں کہ ماں دشیاری، پلان ءُ چھبار ءَ انت دیگ بنت، مئے مول ءُ مراد ایش انت کہ یک بھرے اچ نودربرانی اڑ ءُ جنجالان کمتر بہ کن ایں.
ھانزھی ءَ اے ھم گوشت کہ اچ اے ھند ءُ دمگانی پھکیں نندوکاں دزبندی کن ایں کہ ماں اے ھشر ءُ مدت ءِ جار کہ جنگ بوتگ، ھور ءُ ھوار بہ بنت دانکہ ما، ماں اے راہ ءَ مُھر ءُ مچنڈ بہ اوشت این ءُ گوں شمئے مدت ءَ مئے دل ڈڈ بہ بیت.
محمد ندیم بادغن
.png)
