شستون ءِ مردمانی جھگیر ءَ ماں مجلس ءَ گُشت : سیستان ءُ بلوچستان ءِ بھر کنگ ءِ گپ پہ چُنت استان ءَ ھژدری ئیں بنگپے کہ اگاں استان ءِ انیگیں جاور ءَ دلگوش بہ کن ایں اے کار ءِ کنگ شر نہ اِنت.

سراوان ءِ مردمانی جھگیر ءَ ماں مجلس ء شورا ء اسلامی ءَ گیش کُرت : اے کہ سیستان ءُ بلوچستان چہ کمتریں بُنی لوٹاں ماں آپ ، مھابرات ، راہ ءُ بھداشت ءُ درمان ءَ زبھر اِنت ءُ گوں ایشی ءَ کہ استانانی بھر کنگ ءَ دہ ھزار ملیاردی ھرچ گوں  ، اے کار گوں دیمروی ءَ ھمگرنچ نہ اِنت.

آئی ءَ گوں ایشی کہ سیستان ءُ بلوچستان ءِ بھر کنگ ءِ گپ ءَ استان ءِ گیشتریں مردم پریشان کُرتگ اَنت ، گُشت ئِے : ھر وڑیں بدلی ماں استان ءِ جگراپیا ءَ باید اِنت کارزانتی بہ بنت ءُ گوں مردمانی لوٹاں ھمگرنچ بہ بیت ءُ چہ چاگرد ءِ دل ءَ بہ بیت دانکہ گوں مردمانی ھمراھی ءَ دیم پہ دیم بہ بیت 

رجانک : آبد رھشون