میارجل ءِ ھالکار کتاب وانی ءِ ھپتگ ءِ سوب ءَ یکے چہ بلوچستان ءِ کوھن تریں کتابجاھاں شُتگ ءُ گوں آئی ءِ اگدہ دار ءَ گپ ءُ تران ئِے کتگ کہ شمئے چم ءُ دیدگانی دیم ءَ گْوز اِیت ۔

چہ میارجل ءِ ھالرسانی بنجاہ ءِ ھالانی رِد ءَ : میارجل ءِ ھالکار کتاب ءُ کتابوانی ءِ ھپتگ ءَ گوں بانک ساویز ءَ بمپور ءِ آزادی لَسّ کتابجاہ ءِ کارمستر ءَ گوں گپ ءُ تران ئِے کتگ ، اِے کتابجاہ 1353 ءَ جوڑ کنگ بوتگ ءُ چہ 1200 ءَ بُرز کتاب ماں وڑ وڑیں تَھراں ھست اِنت ئِے ۔

آزادی ءِ لَسّ کتابجاہ ءَ گیش شہ 600 ءَ کارندھیں باسک ئِے بوتگ کہ کرونا ءِ  جھان پیڑیں نادراھی ءَ مزنیں سان مندی یے پہ باسکانی کم بیگ ءِ سوب ءَ اِیر کتگ ءُ ھمے انیگ ءَ اندازو 300 باسک ئِے ھست کہ گیشتر چہ آیاں گونڈو ءُ شکر ورنا ءُ نودربر اَنت ۔

بژن کہ ورنا ءُ مزن سال ءُ کارجاھانی کاروالانی مھر ءُ دوستی چہ کتابجاہ ءَ کم تر بوتگ ءُ چہ بمپور ءِ سرجمیں پڑانی مردماں لوٹ اِیں کہ شریں جاہ ءُ آسراتی کہ آزادی ءِ  لس کتابجاہ ءَ ھست اِنت وتی چُکّاں چہ کسان سالی ءَ پہ زانگ ءُ دربرگ ءُ پوہ ءُ سوہ بیگ ءِ نیمگ ءَ دلبڈی ءِ مھر بہ دے اَنت دانکہ پہ چاگرد ءِ دیم روی ءَ شریدار بہ بئیں ۔

رجانک : میرجان میر