میارجل ءِ ھالکار شتگ دیم پہ کسرکند ءَ کہ مکران ءِ دُرءُ مروارد زانگ بیت ءُ یک وشیں ھال ءُ اھوالے گپتگ ئِے کہ دیمترءَ آئی ءَ بگنداِت •

میارجل ءِ ھالرسانی بنجاہ ءِ ھالانی رد ءَ :پہ یک ھالے ءِ جوڑ کنگ ءَ چہ کسرکند ءَ گوں وتی ھمتران ءَ ماں اے شھرءَ گوں ناسر رئیسی ءَ ھمراہ بوتگ اِین ءُ چہ آئی ءَ لوٹ کتگ کہ اے شھر ءِ ڈولداری ءُ شریانی بارو ءَ گوں ما گپ ءُ تران بکنت ءُ مارا اے باروءَ زانتکار بکنت چہ اے شھر ءِ گوست ءَ مارا بہ اِشکنائین اِیت.

آ گوش اِیت : کسرکندی ورنا بایداِنت کہ بیا اَنت ءُ کار بکن اَنت ءُ مہ اِلّ اَنت کہ آیانی پت ءُ پیروکی اے کار ءُ اے سرسبزیں سرڈگار بیران بہ بیت ' آ ھم کسرکند یک شھرے کہ بلوچستان ءِ تہ ءَ چات ءُ کھن ءِ شھر  ءَ زانگ بیت.

اے ھال ءِ ردءَ ; ماں کسرکند ءَ برنج ءِ کشت ءُ کشار بازیں گندگ بیت کہ اے درست گوں ھمے کھن ءَ آپ دیگ بیگ ءَ اَنت ءُ پہ اے ھاتر ءَ کہ ماں اے شھر ءَ بازین ءُ کوھنیں چات ءُ کھن ھست اِنت اے شھر ءَ کَھنانی شھر گوش اَنت .

رجانک : ملا چمل