میار جل ءِ ھالرسانی بُنجاہ ءِ ھالانی رِد ءَ؛ میارجل ءِ ھالکار پہ ھالے ءِ جوڑ کنگ ءَ شھرستان مھرستان آشار ءِ بھرگ ءَ شُتگ ءُ سُھل ءُ تْران ءِ دود ءُ ربیدگ ءِ بارہ ءَ چہ مردماں جُست ئِے کتگ کہ سُھل چہ بلوچستان ءِ مردمانی دود ءُ ربیدگاں یک دودے کہ وتی ھاسیں رَبیتاں داراِیت .
دمگی مردمانی گُشگ ءِ پد ءَ وھدے کسے جنگے یا ھونے بہ کنت ٹَکّانی سروک ءُ پاگواجہ ءُ کماشاں گُش اِیت کہ من رَد کپتگاں زھم ءُ کپن چِست کنت ءُ گوں سروک ءُ کماشانی ھمراھی ءَ کُشتگین ءِ لوگ ءَ رواَنت ءُ پھلّی لوٹ اَنت ءُ اَگاں کُشتگین ءِ لوگ مردم بہ منّ اَنت سُھل ءُ تْران کن اَنت ءُ پہ سُھل ءُ تپاکی ءِ آسر ءَ رسینگ ءَ ھونیگ ءِ لوگ ءَ رو اَنت ءُ وتی بْراتی ءَ مَنّارین اَنت ءُ جنگ ءَ پہ مدامی آسر کن اَنت کہ اِے سُھل ماں سَے گَشت ءَ بلوچی دودانی رِد ءَ برجم دارگ بیت ءُ آسر ءَ دوئیں ٹَکّ پہ مُدامی سُھل ءُ تْران کن اَنت.
رجانک : جنید بلوچ
.png)
