کریکٹ بندریں ورزشے ماں بلوچستان ءَ ،ایران ءِ ملی تیم ءِ گیشتریں کریکٹ گواز چہ بلوچستان ءِ زرباری مردمان اَنت،گوں اے ھال ءَ بلوچ ءِ کریکٹ لیب کنوکاں گوازی ءِ زمین ءُ آسراتی اِش نیست اِنت۔

چہ میارجل ءِ ھالرسانی بنجاہ ءِ ھالانی رد ءَ ؛ اشرپ باھک نوبندیان ءِ کریکٹ ءِ(کاپیتان)گوش ایت:گیشتر چہ دہ سال اِنت کہ کریکٹ ءِ لیب ءَ کنگ ایں بلے بژن کہ ھچ سرمسترے مئی مَدت ءَ نہ کنت کہ مئی دلبڈی ءِ سوب بہ بیت۔

آئی ءَ گیش کُت:من نوبندیان ءِ دھیاری ءِ (تیم) ءِ (کاپیتان) آں؛آرپ اباد ءِ کلگ ءِ توک ءَ یک زمینے اڈ  کتگ ءُ گوں کمتریں سھولتاں لیب کنگ ایں کہ چہ ھمے زمین ءَ ورنایانے بیتگ اَنت کہ پہ تیم ملی ءِ نوک ورنایانی چیر چہ شانزدہ سال ءُ نوزدہ سال ءَ داوت بیتگ اَنت ءُ  مالزی ءُ دبی پہ لیب ءَ شتگ اَنت۔

چہ میارجل ءِ ھال ءَ ؛چھبار ءِ بندن آزات ءَ جار پراینتگ کہ یک کریکٹ ءِ زمینے اڈ بیگ اِنت کہ ماں ھمے چنت ماہ بندات بیت،گوں اے ھال ءَ انگت اے زمین بلے دیم درائی ءُ بندات نہ بیتگ ءُ انگت کریکٹ لیب کنوکانی دست ءَ کہ ھر روچ پہ آسراتی ءُ سھولتاں وازمندگ اَنت ، نہ کپتگ ۔

رجانک : آسکل بلوچ