چہ میارجل ءِ ھالرسانی بنجاہ ءِ ھالانی رِد ءَ : زبان ھر راج ءُ چاگردے ءِ پجار ءُ ربیدگ ءِ بھرے شمار بیت ءُ آئی ءِ دارگ ءُ ساٹگ سک باز ھژدری ءُ دلگوش کرز اِیت ۔ مریم یادگاری ، بلوچانی جنکے کہ ماں بلوچی زبان ءِ یادگرگ ءِ راہ ءَ گھوانی ءُ پٹ ءُ پول ءُ جست ءُ پد ئِے کتگ ءُ ماں اِے راہ ءَ سوبمند بوتگ ءُ لھتیں تاک ئِے پہ ماتی زبان ءَ سیاہ ئِے کتگ ، بلوچانی اِے جنک ءَ سے کتاب ماں دست ءَ پہ چاپ ءُ شِنگ ءَ ھست اِنت ئِے کہ یکے چہ آ کتاباں لچھے ءُ یکے داستان ءُ دگہ یکے رَجانکے ۔ماں اِے ھال ءَ میارجل ءِ تامُری گپ ءُ رپ ءَ گوں بلوچانی اِے لچہ کار ءُ ندکاریں نودربر ءَ گند اِت۔