چہ میارجل ءِ رسانکدر ءِ بُنجاھی ھال ءَ : مردمانی بنداتی زھر ءُ ھِژم ءِ اِیرماد بیگ چہ شستون ءِ سیمسر ءِ پیش آتک ءَ ماں شمسر ءَ کہ میارجل ءِ رسانکدر ءَ چہ وتی ترّ ءُ مانتریں ھال شونی ءِ گرگ ءَ جھد ئِے کتگ کہ اِے پیش آتک ءِ وڑ وڑیں نگاہ ءُ دیدانکاں چہ جھدکار ءُ کارندھانی زبان ءَ بہ پریچائین اِیت ءُ سنگ ءُ تور بہ کنت ۔
مھمد بلوچ زھی ءَ ماں یک نبشتانکے ءَ نبشت : شستون ءِ ھمے اَنّیگیں پیش آتک ءِ ھال ماں شمسر ءِ سِیمسَر ءَ ماں سیستان ءُ بلوچستان ءَ کہ بازیں مردم ءِ نمیرانی ءُ ٹپّیگ بیگ ءِ سوب چہ ھمے ڈِیزل کشّاں بیت اِے آبریچ ءِ پیشگیں ھپتگ ءِ چاگِردی وڑ ءُ پَیم ءِ دروشم ماں یک زھرشانی ءُ نَہ منّوگری رنگے ءَ چہ مردمانی نیمگ ءَ کہ کم چہ کم ماں اِے چُنت دھیں سالاں نہ بیتگ اَت ، بدل ئِے کُت اَنت .
اِے استان ءِ چاگردی دروشم ءِ رنگ ءُ پیم اونچتی یک نیمگے ءَ بُرت کہ مردم ءِ سسا ءُ گمان ءَ ھچ وڑ ءَ نیاینت ءُ آیانی زیانی ءِ کَنڈ ھِچ وڑ ءَ پُر کنگ نہ بنت
بلے اِے بری اِے جیڑگ ءُ پیش آتک ءِ ٹپّ چہ سر بر ءُ چیر ءُ اندری دیدانک ءُ پگر ءَ چہ بُن ءَ چاگرد زانتی ءُ تچک ءُ راستیں وڑے ءَ پَٹّ ءُ پاس ءُ شوھازگ ءُ تپّاسگ ءُ درمان کنگ مہ بنت گڑا دیم تر ءَ دیر یا زوت انچیں پیش آمد ءُ جیڑگ ءُ جنجال ودی بنت ءُ ھور ھمے انیگیں دل گرانی ءُ دل چلی داں جاھے پیش رواَنت کہ آیانی بل اِتگیں آچش ملک ءُ ڈیھ ءِ اَمن ءُ اَمان ءُ تاھیر ءُ آرامش ءَ چہ چاگرد ءَ بر اَنت ءُ گڑا اِے دِرتگیں چاک راستُکانی نہ روت ۔
شمسر ءِ ھمے انیگیں پیش آتک ءِ زھرشانی ءُ مردمانی زھرگرگ ءِ مشکل ءِ دراجی ءُ پھنات ءَ چہ چنت دیدانک ءُ نگاہ ءَ پَرّیتک ءُ گپ ءُ گُپت کُت کن اِیں ،
بلے بِندات ءَ پیش چہ ھر چیزے ءَ اِے بُنگیجی زھرشانی ءِ آچش ءِ دامُن ماں سرجمیں بلوچستان ءَ شاھگان تر ئِے کُت ءُ آچِش ءِ گامگیج ئِے تیزتر ئِے کت اَنت ءُ بنزینی بیت ءُ اولسر ءَ آچش ءِ زبانُک ءُ بْرانز چہ شمسر ءِ سیمسر ءَ پاد آتک اَنت ءُ بلے رند تر ءَ بلوچستان ءِ دگہ شھرانی نیمگ ءَ برگ بیت اَنت کہ چہ دراج کشیں بے تواری ءُ انچائیں مردمانی واست ءَ گپ ءِ نہ گیشنگ ءِ سوب ءَ آچش ءَ باند کُت ءُ پد ءَ ناراستیں گپ کہ رَند چہ 25 ادار ءَ کہ چہ پیش آتک ءَ گوں ناسرجمی ءُ نازانتی ءَ رسینگ بوتگ اَنت ۔
گڑا ھمے کار کہ چہ مردمانی پشت کپگ ءُ زمہ وارانی بے توجیلی ءُ ناپھتوئی ءِ پیش آیگ ءَ بیت اَنت.
اوشتاتگ ءُ وپتگیں جیڑگ ءَ کہ چہ مردمانی شیوار نہ کنگ ءُ پیش تر ءَ نہ ساڑینگ ءُ رد مَنّی ءِ باندات ءِ گام نہ جنگ ءِ سوب ءَ زھرشانی ءُ دل چلی ءَ گام جنگ اِش بنگیج کت
گڑا ناآرامیانی تردوکیں بور ءَ اَبید چہ مُچانکیں رسانک ءُ دیواناں شھر پہ شھر چُست ءُ چالاک ءَ رھوار بیت ءُ انچیں زیان واریں پد ءُ رند ئِے ماں چاگرد ءُ اولُس ءَ اِیر ئِے کت اَنت کہ ھچ داب ءَ ماں اِے میدان ءَ گواز کنگ نہ بنت ۔
.png)
