چہ میارجل ءِ رسانکدر ءِ بُنجاھی ھال ءَ : مردمانی بنداتی زھر ءُ ھِژم ءِ اِیرماد بیگ چہ شستون ءِ سیمسر ءِ پیش آتک ءَ ماں شستون ءَ کہ میارجل ءِ رسانکدر ءَ چہ وتی ترّ ءُ مانتریں ھال شونی ءِ گرگ ءَ جھد ئِے کتگ کہ اِے پیش آتک ءِ وڑ وڑیں نگاہ ءُ دیدانکاں چہ جھدکار ءُ کارندھانی زبان ءَ بہ پریچائین اِیت ءُ سِنگ ءُ تور بہ کنت ۔
اُزمان یار اھمدزھی یکے چہ بلوچ ءِ مچانکیں کارندھانے کہ ماں کسانیں نبشتانکے ءَ شستون ءِ ھمے پیش آتک ءِ نیمگ ءَ چمشانک ئِے دات ۔
میارجل ءِ رسانکدر ءِ بُنجاھی ھال : اِے جَھل ءِ نبشتانک ءِ گَپ چُشکا اَنت ڈیزل کشانی بارو ءَ کہ شستون ءِ سیمسر ءَ شمسر ءَ پیش آتک ، باید چُش بہ گوش اِیں :
انسان ماں وتی سسا ءُ پگراں وتی سِیتّانی سوب ءَ ٹگلین اَنت امیت کش اِیں ھما مردم کہ اِے دردناکیں ویل ءُ پیش آتک ءِ ودی کنگ ءِ سوب ءُ بنیاد بیتگ اَنت باید راستی ءَ بہ مَنّ اَنت ءُ دیم ءَ بیار اَنت داں کہ چاگرد ءِ مردم کمے بہ ساڑ اَنت ءُ تاھیر بہ گر اَنت ءُ ھمے وڑ ءَ انسانیت ءِ بنیاد کہ بشر ءِ پاکیں بنداتی ءُ گڈسری لوٹ ءُ بن ھشت اِنت ءُ گُڈسر ءَ زیانواری ءُ تاوان ءِ پُر کنگ ءِ جھد ءَ بہ کن اَنت.
پرچا کہ راست ءُ تچکیں کار ءُ کرد ءِ نہ بیگ ءِ سوب ءَ چشیں دردناکیں مسئلہ ءُ جیڑگ کہ ڈیزل کشانی ئیگ اِنت مدام باھند کن اَنت ءُ زمہ وارانی لَنشی ءُ نزوری ءُ نابودیاں پیش دار اِیت.
اَبید چہ ایشی ءَ لھتیں زَمہ وار بلوچستان ءِ نگیگیں جاورانی زمہ واری ءَ وتی گردن ءَ نہ کن اَنت ءُ بلکیں تچکیانی ٹگلینگ ءِ جھد ءُ کوشست ءَ اَنت کہ کارِست گندگ بیگ اَنت ، ھَکّ گوشیں زبان ءُ ھک لوٹیں زرد ءِ دارگ مرچی یک اسپانکے ءُ امیت کشگ اِیں کہ ایشی ءِ شر بیگ ءُ ساٹگ ءِ واست ءَ گام چِست بہ کن اَنت کہ مردمانی مڑاہ ءُ منگھانی شان ءُ شرپ ءِ اندازگ بہ بیت ءُ آئی ءِ منگہ پولنگ مہ بیت ءُ نئیکہ گیشتر دروگ تالانی ءِ سوب ءَ مردمانی کینگ ءُ کُنّت ءُ زھر ءَ پاد بہ کن اَنت.
مزن مزنیں زمہ وار ءُ کارمستر کہ ھاسیں جاگاہ اِش ھست ءُ سرجمیں ھما مردم کہ لیکہ ءَ ھریدّ ءُ بازار اِش ھست ءُ ھے انیگیں جاورانی ودی بیگ ءُ ودی کنگ ءَ پہ بلوچ ءُ بلوچستان ءِ واست ءَ اِیشی ءَ شر یا بہ مَنّ اَنت ءُ بہ زان اَنت کہ بہ گر شکّ ءُ شُھبہ ءَ راجدپتر شمئے سر ءَ راہ بُرّی کنت ءُ شمارا ھچبر نہ بکش اِیت ءُ رند ءَ زانگ بیت کہ ما دانکہ کجام اندازگ ءَ ماں اِے پڑ ءُ میدان ءَ راہ ءَ چینچو رد شتگ اِیں ءُ داں کجام اندازگ ءَ انسانیت ءُ ھک ءُ انساپ ءُ برابری ءَ چینچو گام چِست کُتگ ءُ کجام اندازگ ءَ درستیں مردم یکّیں چم ءَ چار اِتگ ءُ یکیں آمیدّ ءَ تور اِتگ ءُ سِنگ ءُ شاھِیم کُتگ اَنت ۔
.png)
