زیبا ازیزی 97 ءِ سال ءَ کہ جھان ءِ چارمی جنین ماں دمگی جھدکاریں بانکانی پِڑ ءَ پجارگ بیت ،گوں میارجل ءِ جنین ءُ بانکانی ٹول ءِ ھالکاراں دلکشیں گپ ءُ رپ ئِے پہ پدمنتگی ءُ ڈالچاریانی بارو ءَ دیم ءَ آورتگ اَنت ئِے ۔

 چہ میارجل ءِ ھالرسانی بنجاہ ءِ ھالانی رِد ءَ : زیبا ازیزی چو مجتی وڑ ءَ گوں وتی نیکیں کارانی سوب ءَ مولمہ اِنت ،ماں میارجل ءِ پتر ءَ پہ گلگدارے ءَ نِشتگ ءُ چہ ڈالچاریانی بارو ءَ گپ ئِے کت کہ بلوچستان ءِ گُٹگیر بوتگ اَنت ۔

 آئی ءَ اِے لیکہ ءُ دیدانک ھست اِنت کہ بلوچستان اگاں لوٹ اِیت پد منتگی چہ آئی ءِ پیشانی ءَ چِست کنگ بہ بنت باید کومی ڈالچاری ءُ زھی ءُ زریات گوازیاں ھلاس بکنت ءُ آئی ءِ بدل ءَ دیم روی ءُ آبادی ءِ پگر ءَ بہ بیت ۔

ھمے وڑ ءَ آئی پہ اِے ھیریں کارانی بارو ءَ زنگ ءُ زاری ھست اَت ءُ گْوشت ئِے : باید پہ پدمنتگیانی ھلاس کنگ ءَ کار ءُ روزگار ءِ ودی کنگ ءِ ھیال ءَ بہ بئیں ءُ ماں وش تریں ترانے ءَ چو درشان کن اِیں کہ " پدمنتگیانی ھلاس کنگ ءَ باید چہ  اندر ءَ کار اِیں ۔