مردمانی بازیں گِلّو چہ بمپور ءِ شھردگ ءُ بُنجاھی میدان ءُ پیادگ رواں کہ سوب بوتگ میارجل ءِ رو ایرشتی ٹول پہ ھالے ءِ گرگ ءَ ماں شھر ءَ بہ روت دانکہ بہ چار اِیت نگیگی چہ کجا اِنت ءُ کے زمہ وار اِنت ءُ پرچا پسو دیوک نہ اِنت ؟

چہ میارجل ءِ ھالرسانی بنجاہ ءِ ھالانی رد ءَ : بمپور ءِ شھر دَگّ ءِ پیادگ روانی نہ گیگیں جاور سوب بوتگ کہ بازیں مونجانی یے پہ شھرننداں بیار اِیت ۔مردم گْوشگ اَنت : بمپور ءِ شھرداری ءَ چنت ماہ پیش اڈ کنگ ءِ نیمون ءَ بمپور ءِ شھر ءِ اسلی ءُ بنجاھی پیادگ رو  ھراب کتگ اَنت  ءُ کرار بوتگ کہ ماں یک دوبر ساچی ءِ رھبند ءَ اِے کار کنگ ءُ آسر ءَ بہ رسین اِیت بلے چنت ماہ ءِ گوزگ ءَ انگت ھم اِے کار ءِ بند بیگ ءَ گندوک اِیں۔

امیریان بلوچستان ءِ زربار ءِ راہ ءُ شھر جوڑی ءِ مزن کارمستر گوشگ اِنت : مسکن ءُ شھرجوڑی ءِ تیاری پہ اِے کار ءِ دیم ءَ برگ ءَ چش درانگاز اِت ئِے : بلے شھردگانی تیاری ءُ بنی جوڑشت چہ شھرداری ءِ نیمگ ءَ کنگ بہ بنت کہ آئی ءِ زمہ واری اِنت  ، مسکن ءُ شھرجوڑی تیار اِنت کہ ماں ستاد ءِ پدساچی ءِ رھبند ءِ تہ ءَ ءُ بلے پیشتر ءَ شھردگانی چیرساچی ءُ جدول جنی شھرداری ءِ نیمگ ءَ کنگ بہ بنت ۔